Breaking News
Home / HAUSA NOVELS / RAYUWAR MACE

RAYUWAR MACE

RAYUWAR MACE

*******
Sanye take da hijabi ruwan toka dogo har kafarta, kanta a k’asa sanda zata wuce ta daidai majalisar mazan wadda kullum sai ta bi ta wajen idan zata je islamiyya tana kuma jin yadda suke maganar ta a kullum idan tazo wucewa, tun abin na damun ta har ta iiik ya dake makale a kafadarta ta jingine ta a wajen ta nufi dakin nasa kirjin ta n I’m aw dukan uku-uku.
Shi kadai ne a dakin daga gani ya gama shiryawa fita zai kasuwa, tun bayan da manyan yayanta maza suka taso sai ya zama ba kasafai Abban yake fita ba sai ya dau kwanaki yana gida yana hutawa.

“Sannu da hutawa Abba.”. Tace tana neman waje ta rabe dan ta riga ta san kwanan zancen, ya kwana biyu be mata maganar ba shiyasa ta dan samu nutsuwa a kwanakin

“Yawwa Asma’u, an dawo!?”

“Eh Abba.”

“Toh Madallah, sannu da dawowa.”

“Yawwa.” Ta amsa a ciki tana sake lankwasa kafarta

“Kina jina ko,akwai wani da yazo ko kuwa har yanzu dai?”

“Babu kowa Abba.” Tace a sanyaye dan tuni har yar karamar kwalla ta soma taruwa a idon ta.
Shiru Abban yayi be tanka ba, tamkar me tunanin abinda zai ce, bayan wasu yan dakiku ya kalle ta sannan yace

“Ko dai kina korar su ne Ma’u?”

Da sauri ta girgiza kai hawayen da take kokarin rikewa suka sakko. Kura mata ido yayi sosai sannan ya soma magana a nutse cikin son kwantar mata da hankali

Kanta a kasa tana jin Abban har ya kai karshe, cikin nutsuwa tayi masa godiya sannan ta mike ta baro dakin zuciyar ta na sake tsinkewa. Idan tace bata damuwa da rashin aure tayi karya. Tafi kowa son ganin tayi auren kamar yadda yake burin duk wasu iyaye da zarar yar su ta kai munzalin aure! Tabbas tasan duk wasu iyaye da yar su ke gaban su basu da kwanciyar hankali har sai sun ga sun aurar da ita gudun magana da abinda ka iya zuwa ya dawo. Amma kuma abu guda da mutane suka kasa ganewa shine, aure, haihuwa da mutuwa duk lokaci ne mutum be isa ya bawa kansa ba idan ba har lokacin ne yayi ba.
Da yan yatsun hannun ta, take kokarin kirga adadin kannenta da akayi wa aure kamar yadda ta saba a kowanne lokaci, ta riga ta san adadin su sai dai kirgawar na sake tabbatar mata da dole ne mahaifin ta ya dinga tunasar da ita a kowanne lokaci. Duk da shekarun ta ba wai sun ja sosai bane dududu a yanzu ne ta cika shekara ashirin da biyar sai dai yanayin yadda ake musu aure da kananun shekaru ya saka ake ganin ta tsofe a gida. Kannenta biyu da akayi wa aure karshe ,shekarar su sha bakwai dan haka idan zaa hada su da me shekara ashirin da biyar toh fa tabbas dole a dinga yi mata kallon taki aure.
Bata san kalar matsalar ta ba, dan ba zata iya tuna lokacin da wani ya tare ta ko a hanya bane. Ta kan zauna tayi ta tunanin ko dai ba zata taba aure ba a rayuwar ta? Kila bata da rabo shiyasa hakan ta kasance dan bata zargin kowa balle tace ko wani abu akayi mata. Ta bar hakan a matsayin wata jarrabawa ce a gareta wanda take fatan cinye wa.
Daga labulen dakin Ummah tayi, ta leko da kanta tana karantar yanayin ta kafin tace

“Ya kamata a dora girkin rana lokaci yana tafiya kafin yan makaranta su dawo.”

Da toh ta amsa ta mike, ta chanja kayanta zuwa karamar riga da skirt ta saka hula a kanta ta nufi kitchen rik’e da wayar ta a hannu, tana zuwa ta ajiye a saman cabinet ta dora ruwa a babbar tukunya sannan ta fito da kayan miya daga cikin ledar su ta soma gyarawa.
Maganar Abba taji a tsakar gidan nasu yana yiwa Umma magana akan dalilin dawowar sa bayan fitar sa kenan bata jin ma ya bar layin nasu

“H pollo upar fa mun hau titi sai ga kiran Yaya Asabe wai gasu nan zuwa gidan da wata muhimmiyar magana, dole nace ya juyo my dawo dan bansan wacce magana ce ba.”

” Gaskiya kam, toh Allah yasa muji alkhair”

Umma tace tana bin bayan sa suka shiga falo. Daina aikin gabanta tayi ranta na sake jagulewa jin Hajiya Mama zata zo, Itace mutum ta farko da abban su yake jin maganarta fiye da ta kowa a duniya, duk wani abu da tace masa toh fa an gama shi, ko da kuwa baya so zai amsa mata. Su biyu iyayen su suka haifa itace kuma take masa role din uwa dan tun yana karami iyayensu suka rasu suka barsu su biyu.
Turo gate din gidan yayi daidai da tsayawar bugun zuciyar ta, ta window din kitchen din da hange su suna shigowa ita da shi yana rik’e da handbag dinta ya makala ta a kafadar sa kamar wani mace. Daf da zasu karaso wajen kitchen din tayi saurin dukawa saboda kar su ganta, tana jin sanda Umma ta fito tana musu sannu da zuwa Abba na tsaye daga bakin falon sa fuskar sa na nuna jin dadin ganin Yayar tashi.

“Sannun ku da zuwa.” Abba da Umma suka dinga jera musu har suka dangana da falon sannan ta sauke ajiyar zuciya ta mike ta cigaba da aikin ta a nutse.
Tana cikin aikin wayar ta dake sama tayi kara, ta dauraye hannun ta a sink ta jawota tana kallon wayar, kawarta ce Safiyya take kiranta, ta daga tana saka wayar a handsfree ta ajiye ta suka koma magana.

Maganar da yaji ya sakashi dawowa da baya zuwa kitchen din, ya tsaya daga kofar yana kare wa halittar ta kallo wadda take sanye da dogon skirt da riga. Motsi taji, ta waigo sai kawai taga mutum tsaye a bayan ta har ya iso daf da ita yana kokarin taba ta.

“Lafiya!?” Tace tana matsawa da sauri har tana neman gogar tukunyar miyar dake saman gas din.

“Fine Baby, kin hadu.” Yace cikin muryar sa ta yan duniya, kallon sa tayi daga sama har kasa, zuwa kunnensa dake sanye da dankunne sai wani jibgegen takalmi da yake jibge a kafar sa, wandon sa irin wanda yake a yagen nan ne ta tsakiya sai askin kansa da ya kara nuna mata ainihin shi din waye.
Yaya Adam ne, tilon namiji a yaran Hajiya Mama kuma shalelenta, tun suna yara Allah be hada jinin ta da nasa ba dan ko haduwa akayi sai yaci zalinta, ya zage ta yace mata shegiya baka saboda duk yan uwanta sun fita hasken fata. Hannun sa taji a saman fuskar ta yana shafawa, tayi saurin bige shi tana watsa masa mugun kallo.

“Menene haka Malam!?”

“Comman sai kace wadda bata waye ba, kin ganki kuwa!? Haka kika chanja kamar bake ba.”

Hararar sa tayi tana sake matsawa baya, dan bata masa kallon me cikakken hankali ko a da ma, balle yanzu da yaje yayi rayuwar turai idon sa ya kara budewa.

Hayaniyar dawowar yaran daga school ya bata damar zamewa ta bar kitchen din tayi saurin zuwa daki ta dauko hijab din ta, ta saka sannan ta koma kitchen din, amma sai daga baya nan, tayi kwafa ta cigaba da aikin ta da sauri sauri karma ya dawo ya sake samunta dan ta lura bashi da kunya sam.
Fasa fita yayi wajen ya koma falon da ya baro su Abba yana zuwa zai shiga yaji Hajiya Mama na tambayar Abba akan maganar Asma’u ko har yanzu shiru, amsar da Abban ya bayar ya sakashi saurin fadawa dakin

“Uncle ni zan aureta.”

Duk suka bishi da kallo,

“Boy me kace?” Hajiya Mama tace fuskar ta kamar gonar auduga

“Yess Mom…”

Kallon Abba tayi, wanda shima yake kallon ta a daidai lokacin

“Kaji wani abun almara, Ashe Adam ne mijin shiyasa aka ta fama, kai Alhamdulillah nayi farin ciki sosai.”

Saurin sakin fuskar sa abba yayi duk da be san yadda zai misalta abinda yake ji a lokacin ba, farin ciki ko akasin sa? A zahiri babu abinda yafi so da ji kamar ace Ma’un sa ta samu miji, sai dai kuma be zaci haka ba, sannan be taba kawo mutum kamar Adam din a irin mijin da yake mata shaawa ba, amma kuma ta Yaya zai ki jinin Yaya Asabe!? Matar da ta so shi tamkar yadda uwa ke son dan ta?

“Alhamdulillah!.” Ya samu kansa da furtawa yana gida kansa duk da be ji abinda Yaya Asaben tace ba. Umma da ta kusan sakin abinda yake hannun ta sanda taji maganar ce ta karaso ta zauna tana kallon Abban amma sam yaki yarda su hada ido ma balle ya gane abinda take so ta nusar dashi.

“Allah ya tabbatar mana da alkhairi Yaya.”

“Amin Ahmadu, sai a saka lokacin kad’an tunda dama abinda muke jira kenan, kaji al’amarin Allah, babu yadda banyi da shi ba akan ya fitar da matar aure tunda ya dawo yaki ashe ashe dai matar sa na nan tana jiran sa.”

“Haka dama al’amarin Allah yake.” Abban ya amsa cikin yak’e, sai ta waiga wajen da Umma ke zaune tace

“Sai a fara shirye shirye kawai bilkisu, bari mu wuce dan tun a yau zan fara shiri auren yara biyu.”

“Haka ne. ”

Tace itama tana yak’en wanda sarai Hajiya Maman ta ga yadda dukkn su maganar ta dake su amma ya zatayi? Dole ta so abinda danta yake so duk kuwa da bashi ta nagartar da za’a bashi mace amma ai hannun ka baya rubewa ka yanke ka yar dole sune zasu rufa mata asiri.
Duk abinda ake Adam na zaune a wajen sai da Hajiya Maman tace ya tashi su tafi sannan ya mike ransa fes yana haskilo irin hutuwar da zai da yarinyar dan ba k’aramar mace bace.
A harabar tsakar gidan ya tsaya yana sosa keya umma da ta rakosu ta kalle shi tana karewa shigar sa kallo cikin takaici

“Mah please bari na dan sake ganin ta, zan same ku a mota.”

Dariya ta saka ta kai masa duka ya goce,

“Mara kunya, tana ina ne bata zo ta gaishe mu ba ma ko bata ji shigowar mu bane?”

Katse Maman yayi yace

“Ke da zata zo gidan ki gaba daya mah!”

“Auw kareta kake kenan, toh ai shikenan.” Tace tana cigaba da tafiya

“Muna jiran ka a mota.” Tace sanda sukayi sallama da Umma ta fita ita kuma ta shigo, ta tarar dashi a tsaye a inda suka barshi.

“Bari a kirawo ta.” Tace sannan tayi gaba, yayi saurin bin bayanta ganin ta nufi daki, tana shiga shima yana shiga Asma’u dake kwance ta mike da sauri, kafin tayi magana ta hangi mutum a bayan umman yana zuro kansa yana kokarin shigowa dakin da dukkan karfin sa.

“Kar a shigo!” Tace da karaji ya tsaya cikin jin tsoro, sai a sannan umma ta san ya biyo ta, ta juya da sauri mamakin rashin kunyar sa na neman kai ta kasa

“Kaje falo zata zo.” Kawai tace masa cikin takaici, ya juya ba dan ya so ba, ya fita yana taku dai-dai. Girgiza kai Umma tayi cikin tsananin bacin rai tace

“Ki je wajen sa a falo bari na samu Abban ku, jinkirin aure ai ba hauka bane da za’a dauki wannan mara tarbiyar a baki, ba zan yarda ba.”

Sam bata fuskanci in da maganganun  Umman suka dosa ba.

“Umma!”

“Kiyi abinda nace kawai ba sai ya sake dawowa ba, ki rik’e Areef ku je tare karki je ke kadai.”

Daga haka ta juya da sauri ta nufi wajen Abban dan a san wacce za’a yi, ta dade da sanin Hajiya Maman bata santa,amma bata san rashin son ya kai haka ba!

 

Rayuwar mace cike take da kalubale mabanbanta! Kaddara ce tsanin duk wata nasarar ta! Ba zata ce ita din rayuwa bata mata adalci ba, sai dai akwai tarin kalubale cike da rayuwar tata, wanda a karshe zata kirasu da matakin dukkan nasarar ta!

_ZAFAFA BIYAR!! ZAFAFA BIYAR!! ZAFAFA BIYAR!!_

_ASSALAMU ALAIKUN MASOYA MAKARANTA LITTATTAFAN ZAFAFA BIYAR_

_BARKAN MU DA SALLAH, ALLAH YA MAIMAITA MANA, AAMIN_

_KU MATSO KUSA, ZAFAFAN NAKU SUN SAKE ZABUROWA DA ZAFIN SU KAMAR YADDA KUKE KAUNAR SU._

_WANNAN KARON MA SUNZO DA WANI SALO MAI NUTSUWA HADI DA ZAFAFAN DARUSSA NA RAYUWA KANA DA FADAKARWA AKAN RAYUWAR YAU.. BANGAREN KOGIN KAUNA KUWA BAA MAGANA. DOMIN WANNAN KARON SUN SAKE TAHOWA DA ZAFAFAN KAUNANNAKI MASU NARKE ZUCIYOYI._ WANDA ZASU ZO MUKU  IN SHA ALLAH

_KADA KU MANTA ZAFAFAN NAKU DE SUNE KAMAR HAKA_

_SAFIYYAH HUGUMA: TAZO DA NATA SALON MAI SUNA: *KUFAR WUTA*_🥰

_BILLYN ABDULL TA ZABURO DA WANI TAKEN MAI SUNA: *BAQAR INUWA.*_😍

_MAMUH GEE ITAMA WANNAN KARON TA SAKE TAHOWA DA: *NOORUL-ALB*_🥰

_HAFSAT RANO WANNAN KARON TAZO DA NATA RUBUTUN MAI SUNA: *RAYUWAR MACE*_❣️

_NANA HAFSATU (MSS XOXO) WANNAN SALON MA TAZO DA : *MASARAUTA*_😍

***_DUKA LITTAFAI BIYAR ZASU ZO MUKU NE AKAN FARASHIN YADDA SUKE KAMAR KODA YAUSHE_*

_BIYAR : DUBU DAYA (1k)_
_HUDU: 700_
_UKU: 500_
_BIYU: 400_
_DAYA: 300_

_AKWAI TSARIN VVIP SUITES GA MASU SON HAKAN. FARASHIN SU DABAN, DOMIN KARIN BAYANI SE A TUNTUBE  MU TA: _

*_ZAKU BIYA KUDINKU ANAN👇👇_*

Bilkisu Ibrahim Musa
1487616276
Access bank

Number shaidar biya👇🏼

*_09032345899_*

*KATIN MTN*👇👇

09166221261

______________________

ZAFAFA BIYAR

VVIP SUITES : 3500 (PC/TA PRIVATE KAI DAYA)

VIP SUITES : 3K (VIA GROUP) A VIP GROUP ZAA DINGA TURAWA.

TWO PAGES DAILY
INSHA ALLAH!! MORNING/NIGHT. SAFE DA DARE.

*_TEAM ZAFAFABIYAR_*
[5/23, 3:21 PM] Hafsat Rano 2: *RAYUWAR MACE*
_Hafsat Rano_
Free Page  (2)

***
A kofar dakin Umma ta tarar dashi, ta nuna masa falon da hannu sannan ta wuce falon Abban. Yana tsaye yana kai kawo a tsakiyar dakin tana shigowa ya bi ta da ido dan yasan abinda ya kawo ta.

“Alhaji..”

Da sauri ya dakatar da

“Maganar ba zata chanja komai ba, muyi mata addu’a kawai bamu san me Allah ya tsara ba.”

“Amma dai hakkin mu ne mu nema mata miji na gari, wanda muka yarda da addininsa da nagartar sa, amma Adam fa? Ya cika wannan sharadin?”

Zama yayi a nutse bayan ya cire babbar rigar jikin sa da hula sannan yace

” Mu bar wa Allah komai, ya fimu sanin komai akai, ba zan taba iya hana Yaya Asabe abinda take so ba, ba kuma zan taba kin danta wai don munin halin sa, ni ma ban fi karfin Allah ya jarraba ni da irin sa ba.”

” Yanzu shikenan muna ji muna gani saboda kawai muna so yar mu tayi aure za muyi mata zabin tumun dare!?”

” Idan da rabo sai kiga ta dalilin ta Allah ya shirye shi, sai tayi kokari ta sauya masa DABI’AR sa tunda mace tana da matukar tasiri a rayuwar namiji.”

Wani abu ne yazo ya tokare wuyan Umman, bata tare da masu ganin cewa mace zata iya gyara wa namiji Hali bayan ta same shi da girman sa, kawai idan kaji an ce haka toh fa lallai an shirya zalintar macen. Tana tsaye ya zo zai fita daga falon, ya kalle ta yana gyara hular kansa sannan yace

” Karki nuna mata wani abu da zai sa taki auren, muyi mata addu’a kawai dan babu abinda zai sa a fasa sai dai idan Yaya Asaben da kanta tace sun fasa, amma muddin bata ce ba, toh babu makawa sai anyi.”

Kasa tanka masa tayi har ya fice, ta zauna dabas a wajen tana jin da gaske an cuce ta, ta kuma tabbatar da biyu Hajiya Maman tayi dan ta nuna mata ta isa da Abban da ma duk wani abu da ya dangance shi.
Da k’yar ta mike daga wajen ta fito bayan ta jawo masa falon, ta isa dakin Asma’un ta tarar da ita tana sallar azahar, sai kawai ta wuce dakin ta domin ta gabatar da tata sallar.
Tana idarwa Asma’un na shigowa, bata ce komai ba ta hau gadon umman ta kwanta rigingine tayi shiru tana tuna abinda ya faru bayan taje wajen sa. Kadan ya rage be rungume ta ba da ta shigo, ya hau surutan da ta kasa gane komai akai, haka ya karaci babatunsa ya tafi bayan yace mata zai dawo da daddare.

“Umma wai me ya faru?”

“Aina da?”

“Ya Adam, ban gane ba wallahi. ”

” Kinsan kowanne bawa da yadda Allah yake kaddaro masa rayuwar sa, sannan duk dan ta yayi ma iyayen sa biyayya toh fa ba zai taba tabewa ba, mahaifin ki ya yanke shawarar aura miki dan uwanki Adam… ”

A yadda ta mike daga kwancen sai da ta bawa umman tausayi,

” Umma Adam kuma? ”

Kai ta daga mata

” Innalillah wa inna ilaihi rajiun, umma wallahi tallahi bana son shi, bashi da hali me kyau wallahi Umma, wallahi Allah bana son shi dan Allah Abba yayi hakuri. ”

Duk ta gigice ta rikice, hawayen da Umman take ta rikewa ne suka soma saukowa tayi saurin maida su tana karfafar kanta.

” Menene haka? Me kike haka? Ashe ba zaki iya yiwa mahaifin ki biyayya ba?”

” Umma Adam fa? Umma dan Allah kice yayi hakuri wallahi ba zan iya ba. ”

Wani kallo umma ta watsa mata

” Ki nutsu ki saurare ni, kinsan waye mahaifin ku, kin kuma san wacece Hajiya Mama a wajen sa, kukan ki da magiyar ki ba zasu taba sauya masa abinda yayi niyya ba sai dai idan su suka ce sun fasa, dan haka ba ruwana wallahi, ba zan bari ki hadu da fushin mahaifin ki ba, kiyi masa biyayya ku rabu lafiya nima na rabu da nawa lafiya, kuma in sha Allah zaki ga ribar biyayya. ”

Daga haka bata kuma cewa komai ba, ta fice ta bar ta a dakin tana jin yadda take kuka wiwi, wayar ta ta dauka ta kira babbar ‘yarta hadiza ta sanar da ita komai sannan ta kira sauran yan uwan Asma’un da sukayi aure, kafin kace me sai gasu a gidan gaba dayan su, duk kansu kowa be ji dadin labarin ba, amma kuma sai Umma ta hana su fuskar da zasu kushe abun dan ta riga tasan halin Abban su sarai zai iya saba musu akan maganar, sannan tunda tasan babu fashi gwara kawai tayi kokarin ganin basu bawa Asma’un kofar da zata bijire wa mahaifin nasu ba.
Lallashi da ban baki suka dinga yi mata har suka samu ta dan nutsu amma bata bar kuka ba. A haka Abban da yan mazan suka dawo suka tarar dasu, Abban ya danyi fadan dalilin zuwan su haka sai suka ce ai zuwa sukayi su gaishe su, ya ji su ne kawai amma ya riga ya san umma ce ta kira su akan maganar.
Bayan sallar magriba Yaya hadiza ta samu Abban da maganar, ya nuna mata babu fashi su dai kawai su tayata da addu’a, haka ta baro dakin jikin ta a sanyaye bayan ta roke shi ya barta su tafi da Asma’un ya amince amma iya sati daya kawai dan sati uku ya saka bikin tunda babu wani shiri da za’a yi dan kowanne bangare a shirye suke dama.
Mijinta ne yazo ya dauke su wajen tara, a hanya take bashi labarin abinda ya faru, ya dan juyo yana sake bawa Asma’un baki yana tsokanar ta, ta dan yi murmushi kawai amma ita kadai ta san yadda take ji a ranta.

***Washegari bayan an makaranta sun tafi umma ta shirya Abbati ya kaita chan Mandawari gidan su ta samu Hajiyar su da maganar auren Asma’un da lokacin da Abban ya saka, duk basu ji dadin hukuncin Abban ba, da kuma rashin bawa Asma’un dama ta fadi ra’ayin ta dan kawai ana ganin kamar ko an barta ma ba wani ne zaizo neman auren nata ba.

“Toh yanzu dai ya riga ya gama yanke hukunci, namu kawai shine mu bi ta da addu’a, Allah ya basu zaman lafiya ya kade fitina.”

Hajiyan tace bayan sun gama magana da Umman.

“Amin, ni na rasa ta ina zan fara ba, sai a aika su miko su sanar da su umman Asiya da su Aunty Falila da gidajen su kawo muntari.”

“Eh yana shigowa zan aika shi, sati uku kamar yau ne ai, duk sai a sanar da dangi, Allah ya basu zaman lafiya.”

“Amin.” Tace a sanyaye.

***Bangaren gidan Hajiya Mama shiri take na ban mamaki, tuni zancen ya karade dangin su bangaren Abban da kuma bangaren Baban su Adam din, mutane da yawa suna tausayawa Asma’un saboda dai sam babu hali na nagarta da zai saka ka dauki yar ka, ka bawa Adam din, ciki kuwa har da yan uwa makusantan su Abban dan wani kawun su sai da yayi wa Abban magana kasancewar kowa ya riga ya san nutsuwa da kamala irin ta Asma’un dan kaf yan uwanta babu kamarta, duk da su ma basu da matsala amma kuma ita din daban ce, magana da koman ta a nutse take yin sa, bata da rawar kan yan mata dan ba zaka taba tunanin ta je jami’a ba ma, bata dauki duniyar da zafi ba haka kuma bata da son kyale kyalen duniya. Haka ya saka mutane suke ganin kamar akwai zalunci a dauke ta a hada ta da Adam wanda ake tunani hatta giya yana sha bayan mugun halin sa na neman mata da yayi shura akai, amma yadda Abban yayi biris da duk wannan ya saka kowa ya shafa ma kansa lafiya aka shiga bin su da addu’ar fatan alkhairi.

Zuwan Adam din uku tare da zugar abokai baya samun ta karshe dai ranar da yazo ya tarar da Abban nan yake gayawa Abba ai yazo baya samun ta, nan fa Abban ya shiga dakin Umma yayi ta mata fad’a sannan ya dauki waya ya kira Yaya hadizan yace ya fasa sati dayan gobe gobe ta dawo gida. Jiki a sanyaye ta amsa masa da toh, bayan ya kashe sai kuma yaga kamar ya zafafa da yawa, sai ya sake kiranta yace ta kyale ta zuwa satin amma zatayi bako gashi nan zaizo yanzo. Nan ma dai toh din tace ya kashe ya koma ya samu Adam din ya yi masa kwantancen gidan Yaya Hadizan sannan ya bashi number wayar Asma’un da ta Yaya Hadizan yace idan yaje ya kira. Bakin sa tamkar gonar auduga ya karba suka dauki hanyar gidan Yaya Hadizan baka jin komai a motar sa ife ifen su irin ma gogaggun yan duniya, burin sa kawai ya nuna musu kalar matar da zai aura ya san ba karamin taya shi farin ciki zasuyi ba, hutu kam zai huta a wajen sosai, yadda yake ji ma kamar sati ukun yayi masa mugun yawa amma haka zai hakura ya lallaba ya cigaba da maneji da su Fido kafin ranar da zai gwangwaje.

Gidan bashi da wahala suna zuwa suka gane, ya dauko wayar sa zai yi kira sai kuma ya fasa ya fito da kafar sa ya karasa gate din gidan ya kwankwasa da dan karfi saboda karar Gen, be jima yana bugun ba mijin Ya Hadizan yazo ya bud’e masa, ya bashi hannu suka gaisa sannan yace ya shigo ciki

“Owk tare muke da guys suna mota bari nayi musu magana.”

“Owk.” Yace ya wuce ciki ya bar musu kofar a bude, ya samu falon ba kowa an gama jera ruwa da lemo akan dan centre table din, ya dauki remote ya rage volume din tv daidai lokacin da suke shigowa, su hudu ne dukkan su sanye da kananan kaya daya ma daga ciki wandon sa da kad’an yafi guiwar sa, askin kansu kuwa kai kace gobara akayi a wani gefen kan nasu babu kyaun gani, hannu ya basu suka gaisa sannan ya wuce ciki cike da al’ajabin dalilin da zai sa Abba amincewa bayan ya san waye Abban da nagartar sa.
Da k’yar da ban baki Ya Hadiza ta sakata fita dan bata son fushin Abba akanta zai iya hadasu daga ita har Asma’un yayi musu tatas. Hijabi ne burmeme a jikinta har kasa, ta dauko facemasks ta dora akan fuskar ta sannan ta tura kofar falon kanta a k’asa ta shiga. Wata iriyar kunya ce ta kama Adam din da ya ganta da shigar, shi da yaso suga kalar matar da zai aura amma shine zata je ta burma uban hijabi kamar wadda zata zaman makoki.
Dariyar shakiyanci suka fara yi suna kallon sa, ya hade rai sosai yaki kallon ta, a k’asa chan ta rakube ta gaishe su suka amsa cikin dariya dan su basu ga  abinda yake ta musu kozozoto akai ba.

“Our wife kina lafiya?”

Daya daga ciki yace yana kunshe dariyar sa.

“Lafiya lou.”

Ta amsa a takaice kanta still a k’asa ba zata iya cewa ga adadin su bama balle kamar su, uban gayyar kawai ta gani sanda ta shigo taga ya wani diririce kamar wanda yayi karya aka gano shi, bata kuma kallon sa ba ta zauna. Tana jin su suna ta shakiyan ci suna tsokanarshi amma ko uffan be ce musu ba, sai da suka gama suka fita, ya taso yazo daidai kanta, ya saka hannu ya fuzge facemask din, ta kalle shi da sauri

“Wannan wane irin wulakanci ne na kawo guys dina su ga matar da zan aura shine zaki sako wannan buhun sannan ki wani toshe fuskar ki dan tsabar iskanci.”

“Kamar ya? Me yasa zasu ganni ko su din muharramaina ne?”

“Shit! A 21th century dama akwai mata villagers irin ki? Ke baki san civilization ba? Ko baki ga alamar mijin da zaki aura wayayye bane?”

“Ban san duk wannan ba, abu daya na sani shine abinda addinin musulunci ya koyar dani.”

Ta murguda masa baki tana jan facemask din zata mayar ya fuzge da karfi sannan ya buge mata baki

“Karki yarda kice zaki min rashin kunya wallahi, dan zan taimaka miki na aure ki, naga ma ai neman kai ake dake na taimaka nace zan aura, so watch your mouth wallahi, kuma na sake zuwa kika zumbulo min irin wannan Hijab din sai na cire shi ta karfi wallahi. Nonsense!”

Ya juya da sauri ya bar falon har da buga kofa, kasa ko da kwakkwaran motsi tayi, bakin ta da ya buge na mata zafi sosai, sai kuma maganganun sa da suka yi mata mugun ciwo, da gaske taimaka mata yayi? Kuma neman kai ake da ita shine ya tausaya mata zai aure ta. Wani kuka ne yazo mata, ta gwammace ta mutu ba aure akan ta auri mutum irin Adam, jinkirin aure ai ba shine zai saka mutum yayi wrong choice ba, gwara ma ace ka aura baka sani ba, amma wannan kowa ya san halin sa.
Ta jima a wajen tana kuka sosai, kafin ta tashi da k’yar bayan ta goge hawayen ta shiga ciki.

RAYUWAR MACE COMMENT GROUP LINK. Meson comment group sai ya shiga link din nan

https://chat.whatsapp.com/EcH31iWkbGnD9DWC8SsuLR

 

_ZAFAFA BIYAR!! ZAFAFA BIYAR!! ZAFAFA BIYAR!!_

_ASSALAMU ALAIKUN MASOYA MAKARANTA LITTATTAFAN ZAFAFA BIYAR_

_BARKAN MU DA SALLAH, ALLAH YA MAIMAITA MANA, AAMIN_

_KU MATSO KUSA, ZAFAFAN NAKU SUN SAKE ZABUROWA DA ZAFIN SU KAMAR YADDA KUKE KAUNAR SU._

_WANNAN KARON MA SUNZO DA WANI SALO MAI NUTSUWA HADI DA ZAFAFAN DARUSSA NA RAYUWA KANA DA FADAKARWA AKAN RAYUWAR YAU.. BANGAREN KOGIN KAUNA KUWA BAA MAGANA. DOMIN WANNAN KARON SUN SAKE TAHOWA DA ZAFAFAN KAUNANNAKI MASU NARKE ZUCIYOYI._ WANDA ZASU ZO MUKU  IN SHA ALLAH

_KADA KU MANTA ZAFAFAN NAKU DE SUNE KAMAR HAKA_

_SAFIYYAH HUGUMA: TAZO DA NATA SALON MAI SUNA: *KUFAR WUTA*_🥰

_BILLYN ABDULL TA ZABURO DA WANI TAKEN MAI SUNA: *BAQAR INUWA.*_😍

_MAMUH GEE ITAMA WANNAN KARON TA SAKE TAHOWA DA: *NOORUL-ALB*_🥰

_HAFSAT RANO WANNAN KARON TAZO DA NATA RUBUTUN MAI SUNA: *RAYUWAR MACE*_❣️

_NANA HAFSATU (MSS XOXO) WANNAN SALON MA TAZO DA : *MASARAUTA*_😍

***_DUKA LITTAFAI BIYAR ZASU ZO MUKU NE AKAN FARASHIN YADDA SUKE KAMAR KODA YAUSHE_*

_BIYAR : DUBU DAYA (1k)_
_HUDU: 700_
_UKU: 500_
_BIYU: 400_
_DAYA: 300_

_AKWAI TSARIN VVIP SUITES GA MASU SON HAKAN. FARASHIN SU DABAN, DOMIN KARIN BAYANI SE A TUNTUBE  MU TA: _

*_ZAKU BIYA KUDINKU ANAN👇👇_*

Bilkisu Ibrahim Musa
1487616276
Access bank

Number shaidar biya👇🏼

*_09032345899_*

*KATIN MTN*👇👇

09166221261

______________________

ZAFAFA BIYAR

VVIP SUITES : 3500 (PC/TA PRIVATE KAI DAYA)

VIP SUITES : 3K (VIA GROUP) A VIP GROUP ZAA DINGA TURAWA.

TWO PAGES DAILY
INSHA ALLAH!! MORNING/NIGHT. SAFE DA DARE.

*_TEAM ZAFAFABIYAR_*
[5/23, 3:21 PM] Hafsat Rano 2: https://arewabooks.com/chapter?id=628b84d5aed642354ddce302

 

RAYUWAR MACE*
_Hafsat Rano_
Free Page (4)

***Zazzaune suke da kawayenta su biyar wanda sai da Umma tayi mata fad’a sannan ta sanar da su da maganar bikin,sai gasu kuwa washegari da aka yi kafi. Lefe suka kalla suke cin abincin da Umma ta saka aka kawo musu sannan suka me kushin da Nadeeya ta turo ta shiga aikin yi musu kunshin wanda ita dai asma’u kawai bin su take da kallo ta sallama komai musamman da taga an soma yi mata lallen sai ta fad’a kogin tunanin yadda rayuwar ta zata kasance idan ta auri Adam. Duk hayaniyar da suke da tsokanar ta, bata kula sh ba, dan ba ma gane musu take ba. Ana gama mata jan lallen sai kawai ta zame a wajen ta kwanta ta rufe idon ta, tana fatan ace tayi bacci ta farka taga an ce ai mafarki ne babu maganar auren ta da Adam din. Sai dai sam baccin yaki daukar ta, duk abinda suke fad’a na shakiyanci tana jin su.
Sai bayan magriba sannan aka gama musu,  suka tafi anan ta samu ta shige daki ganin gidan ya cika sosai da yan uwa, gobe za’a yi kamu dan haka makusantan umman duk sun zo da su Yaya Hadiza da yaran su, dangin Abba kuwa kusan rabin su suna gidan Hajiya Mama, sai gobe zasu taho nan din daga nan kuma sai su raba kansu gida biyu wasu su zauna anan wasu a gidan Hajiya Maman.
Tana kwance Rauda da Hidaya suka shigo, suka zauna suka shiga yi mata hira, sai ta mike ta dan ware a cikin su har tana kyalkyala dariya tamkar bata da sauran damuwa, su kansu sun yi mamaki sai suka ki yarda su bar ta ko na dan lokaci ne suka raba dare suna hira irin ta yan uwa, da tuna rayuwar baya da yarintar su. Sai chan dare suka kwanta suka tashi da asubah daga nan kuma aka shiga shirye shiryen kamu da za’a yi a kangon Abban dake jikin gidan nasu ta baya.
Bata fito ba ta sake gyara kwanciyar ta dan dama ba sallah take ba, ta dai kama ruwa ta wanke jikinta sannan ta sauya kayanta ta koma ta kwanta dan bata san idan ta tashin me zatayi ba, kayan da zata saka a kamun da komai duk su Rauda sun hada mata waje daya, dama tun farko tace musu ba zatayi make-up ba, wanda dama shine yake cinye dukka lokacin shiyasa kawai ta cigaba da mikewa tana jin hayaniyar na tashi ana dora tukunya ana saukewa alamun dai da gaske bikin ake, babu kuma wani abu da zai hana sai dai mutuwa.
Ji tayi ta nemi guntun hawayen da take dashi ta rasa, tana tunanin ma ko sun kafe ne tun yanzu dan ta san akwai sauran kuka a gabanta. Sai kawai ta dinga sauke ajiyar zuciya a hankali tana karanto duk addu’ar da tazo bakin ta.
Breakfast su Rauda suka shigo dashi, kosai ne da kunu sai farfesu da akayi mata daban sai ruwan tea game bukata, bata shan kunu da dangogin sa tun da chan, shiyasa sai Rauda ta hada mata tea ta dinga hadawa da kosan da bread kuma sai taci sosai dan kwana biyu bata samun isasshen cin abinci saboda zulumi. Umma ce ta shigo rik’e da wata Leda a hannun ta, ta ajiye a dakin ta kalle ta, tace

“Ku koma chan gidan Safiyya sai ku shirya a chan nayi mata magana, za’a aiko muku da abincin rana idan an gama nan dakin ma wasu bakin ne zasuyi amfani dashi.”

“Dama yanzu muke shirin tafiya.” Cewar Rauda tana tattare kayan wajen.

” Kizo daki na.”

Tace wa Asma’un tayi gaba, tashi tayi tabi bayanta tana fita akayi mata cha, amarya amarya, ta dinga yake kawai tana gaishe su har suka dangana da dakin Umman inda duk kannen umman suke cike. Gefen gadon ta zauna tana gaishe su, suna amsawa wasu suna tsokanar ta, Aunty hauwa ce ta tabo ta, tace ta dawo ciki sosai, ta matsa wajensu, ta soma mata magana a hankali yadda ba kowa zai ji ba, sai ita da take fadawan, har ta gama bata ce komai ba, tayi godiya idon ta na cikowa da kwalla dan maganganun sun shige ta sosai kasancewar Aunty Hauwan babbar malama ce ta san addini kwarai, duk abinda ta fad’a mata gaskiya ne sai dai bata san ta Ina zata fara ba, ta Ina zatayi yiwa Adam irin biyayyar da Aunty Hauwan take fad’a. Ta dan jima a dakin har sai da su Rauda suka leko sannan ta tashi suka dunguma zuwa gidan Safiyya, amarya ce bata jima sosai a unguwar tasu ba, suna da alaka ta bangaren Umma shiyasa ma umman ta zabi su je chan su zauna saboda gidan zai cika da mutane sosai.

Wajen karfe hudu ta gama shiryawa da taimakon su Rauda da wasu kawayen ta da suka zo tun dazu, kuma suka tursasata dole aka dan mata makeup duk da light ne amma tayi kyau, ta dinga hararar su suna mata dariya dan ita har ga Allah bata son duk abinda ya shafi kwalliya irin wannan ita dai barta da yar powder da kwalli sai lipstick shikenan.
Abbati ne yazo daukar su a motar Abba duk da ba wani nisa bane duk cikin layi daya ne amma ita kunyar fita take a haka shiyasa kawai ta kirashi yazo ya dauke ta da kawarta daya su kuma sauran suka yi gaba wajen kamun suka jira a wajen dan su shiga da ita.
Wajen ya cika sosai, an tsara komai yadda ya kamata, Hajiya Mama da Jama’arta suna bangare daya sun sha kwalliya, su Nadeeya ma sun iso sun sha kwalliya sun yi kyau sosai, kallo daya zaka musu kaga banbancin wayewa fiye da mutane da yawa a wajen, idon su a bude yake sosai sai suka zama daban a wajen.
Amarya na zuwa aka soma abinda ya tara mutane a wajen, nan fa su Hajiya Mama da mukarrabanta suka bud’e bakin aljihu suka dinga zazzaga kudi, baka jin komai sai sunan su da MC ke ambata saboda ya ga ruwan kudi, ita kanta Ummaa uwar bikin gefe ta koma ta zubawa sarautar Allah ido, sun kankane komai hatta wajen Amaryar su Nadeeya ne suna ta aikin daukar hoto, sauki daya da umma take hangowa Asma’un shine ta wajen su Nadeeya din da Hajiya Maman, kamar suna son ta, kamar zata samu sauki a wajen su, ko dan alaka me karfi da take tsakanin su, sai dai kash!

Wajen takwas aka gama, shima da an daka ta tasu ba za’a tashi ba, basu shiga gidan Abban ba, suka hau motocin su suka tafi. Sauri take ta isa daki ta cire kayan dake jikinta dan ba karamin takura mata sukayi ba, tana zuwa dakin su taga mutane ne tsofaffi a cike duk sun kwakkwanta,juyawa tayi zuwa dakin su Abbati, tasan babu kowa kuma basu dawo ba, tana shiga ta sauke ajiyar zuciya ta hau kokarin zuge zip din rigar da ta kamata sosai dan ma ta saka wadataccen mayafi amma da babu abinda zai sakata, jin hannu tayi a gadon bayanta, ta juyo a razane suka yi ido biyu dashi, ta daddage zata kwalla kara ya rufe mata bakin da karfin sa. Kici-kicin fuzge kanta take ya saka dayan hannu ya rike mata kan sosai, sai kawai ta fashe da kuka me cin rai. Sakin ta yayi da sauri yana mata wani irin kallo. Da sauri ta juya ta fice daga dakin jikin ta sai rawa yake kamar mazari, dakin Umma ta shiga ta wuce da sauri wardrobe din Umman ta dauki hijab ta saka sannan ta fito da sauri, a tsakar gida sukayi kicibis da Abbaty,ya tare ta da sauri

“Dama ke nake nema, Adam yana dakin mu tun dazu yana jiranki.”

” Dan Allah kace ya tafi, ni ba zan iya zuwa ba.”

Zaro ido yayi

” Abba ne fa yace na zo na gaya miki, babu ruwana wallahi.”

“Abba!? Ya dawo ne?”

” Tun dazu ai yana nan, shima Adam din tun kuna wajen kamun yazo Abba yace ya jira shine yayi magana aka tashi ai daga kamun. ”

Wani abu ne ya tokare mata a wuya, bata masa magana ba kawai ta bi hanyar dakin nasu, ta tura ta shiga, yana tsaye yana kai kawo a tsakiyar dakin. Gefe ta samu ta makale ya matso yana kallon hannun ta da kafarta da akayi mata lalle.

“Menene wannan haka?” Ya fad’a muryar sa a dan tunzure, ta masa banza kamar bata ji ba, ta gwammace ya kashe ta idan ma kashe ta zai amma ba zata tanka masa ba, sake magana yayi da dan karfi, ta dago a tsorace taga yana wa hannun ta da kafarta kallon tsana.

“Bana son wannan abun da kika je akayi miki, karki kuskura kizo min gida dashi wallahi, ki san yadda za’a yi ki goge shi.”

A wani irin yanayi take kallon sa, mamaki na neman kashe ta, lallen yake nufin be sani ba, ko kuma me? Bata gama dawowa daga tunani ba, taji ya wurgo mata leda akan fuskar ta, tsinin takalmin dake cikin ledar ya buge ta, sosai taji zafi.

“Kayan da zaki saka ne a dinner din da friends dina suka shirya gobe, saura ki zubar min da girma na da aji na da kauyancin ki, ki tabbatar kuma kinje an goge wannan bakin abun na hannun ki, ina laifin ma ki saka nail polish ko kiyi fixing nail din ma , amma kiyi wannan abun irin na yan kauye, bana son shi bana son ganin shi kuma.”

Saroro tayi tana kallon sa mamakin sa na neman kashe ta, tashi tayi daga zaman da tayi, ta dire masa kayan a gabansa tace

“Bana bukatar kayan nan saboda ba zan je wajen ba, sai ka dauka ka kaiwa wadda take da wayewa daidai da taka, wadda ba zata baka kunya da kauyancin ta ba. Lalle kuma ba zan goge ba, tunda ba dan kai nayi ba, kuma hannu na ne da kafata ba ta wani ba, abinda naga dama shi zanyi.”. Ta murguda masa baki ta juya da sauri ta fice dan tasan tsaf zai iya gaura mata mari yadda taga yana huci. Kasa motsawa yayi daga wajen kamar wanda aka bigewa kafa, ya kalli kayan da ya kashe kudi masu yawa wajen siyansu amma ta watsar masa a wajen, sannan ya gaggaya masa magana yana tsaya har ta fita be fisgota ya nuna mata shi ba sa’an ta bane. Ransa ya kai kololuwa a baci, huci ya dinga yi kamar wani dan karamin zaki, sai ga Abbati ya shigo da yaga fitar Asma’un, kallon kayan dake kasa yayi ya kuma kalli fuskar Adam din, sai ya juya zai fita.

“Tsaya pls, wannan kayan ta manta su ka kai mata, ni zan wuce.”

“Owk.” Yace ya dawo ya dauki ledar suka fito a tare ya tafi shi kuma ya shiga ciki ya samu Rauda tana waya a tsakar gidan ya bata ya tafi.

***Daren gaba daya bata iya runtsawa ba, bata kara tabbatar da banzar al’adar Adam din ba sai a jiya, hakan ya tsaya mata a rai matuka har ta rasa irin tunanin da zatayi akai, tana jin yar hayaniyar wadanda basuyi bacci ba a tsakar gida suna aikin abinci har ta daina jin su kwata kwata, sai daf da asubah sannan bacci ya dauke ta cikin yanayin da ba zata iya misaltawa ba. Wajejen bakwai aka hau tashin ta kasancewar ranar ce daurin aure, ta tashi idon ta duk sun kumbura saboda rashin isasshen bacci. Shiryawa ya Hadiza tasa ta ta hau yi, babu um babu a’a ta hau shirya war, tana jin sanda su Abba da jama’ar da zasu tafj daurin auren suka tafi saboda a garin su Abban za’a daura Sumaila, ji tayi jikinta ya kara sanyi sosai. Ta zauna rik’e da kanta dake sara mata sosai, ko da aka kawo breakfast din sai ta kasa shi, jiya ma ashe dan ba taga anzo tafiya daurin auren bane har ta samu sukunin ci sosai. Babu yadda su Rauda basuyi da ita ba amma bata da nutsuwar da zata iya saka wani abu a cikin ta, lokaci kad’an sai ta duba agogon wayarta har sha daya tayi, jikinta ya kara saki sosai ta saddakar shikenan, shikenan ta shiga rayuwar da bata da yakinin samun kwanciyar hankalin ta.
Wajen karfe daya da rabi suka soma shigowa, kowanne su cike da farin ciki, farin cikin da yake daidai da bakin cikin ta, tana jin sanda wani kawun ta kanin umma yake fadawa matan tsakar gidan an daura, wata daga cikin su ta saki guda me karfi. A take taji kanta na wani irin juyawa, taga dakin na neman fado mata akai, bata san sanda ta fashe da wani irin kuka ba, su Rauda dake gefenta suka hau tayata dan dama karfin Hali kawai suke da kuma bin umarnin umma!

 

_ZAFAFA BIYAR!! ZAFAFA BIYAR!! ZAFAFA BIYAR!!_

_ASSALAMU ALAIKUN MASOYA MAKARANTA LITTATTAFAN ZAFAFA BIYAR_

_BARKAN MU DA SALLAH, ALLAH YA MAIMAITA MANA, AAMIN_

_KU MATSO KUSA, ZAFAFAN NAKU SUN SAKE ZABUROWA DA ZAFIN SU KAMAR YADDA KUKE KAUNAR SU._

_WANNAN KARON MA SUNZO DA WANI SALO MAI NUTSUWA HADI DA ZAFAFAN DARUSSA NA RAYUWA KANA DA FADAKARWA AKAN RAYUWAR YAU.. BANGAREN KOGIN KAUNA KUWA BAA MAGANA. DOMIN WANNAN KARON SUN SAKE TAHOWA DA ZAFAFAN KAUNANNAKI MASU NARKE ZUCIYOYI._ WANDA ZASU ZO MUKU IN SHA ALLAH

_KADA KU MANTA ZAFAFAN NAKU DE SUNE KAMAR HAKA_

_SAFIYYAH HUGUMA: TAZO DA NATA SALON MAI SUNA: *KUFAR WUTA*_🥰

_BILLYN ABDULL TA ZABURO DA WANI TAKEN MAI SUNA: *BAQAR INUWA.*_😍

_MAMUH GEE ITAMA WANNAN KARON TA SAKE TAHOWA DA: *NOORUL-ALB*_🥰

_HAFSAT RANO WANNAN KARON TAZO DA NATA RUBUTUN MAI SUNA: *RAYUWAR MACE*_❣️

_NANA HAFSATU (MSS XOXO) WANNAN SALON MA TAZO DA : *MASARAUTA*_😍

***_DUKA LITTAFAI BIYAR ZASU ZO MUKU NE AKAN FARASHIN YADDA SUKE KAMAR KODA YAUSHE_*

_BIYAR : DUBU DAYA (1k)_
_HUDU: 700_
_UKU: 500_
_BIYU: 400_
_DAYA: 300_

_AKWAI TSARIN VVIP SUITES GA MASU SON HAKAN. FARASHIN SU DABAN, DOMIN KARIN BAYANI SE A TUNTUBE MU TA: _

*_ZAKU BIYA KUDINKU ANAN👇👇_*

Bilkisu Ibrahim Musa
1487616276
Access bank

Number shaidar biya👇🏼

*_09032345899_*

*KATIN MTN*👇👇

09166221261

______________________

ZAFAFA BIYAR

VVIP SUITES : 3500 (PC/TA PRIVATE KAI DAYA)

VIP SUITES : 3K (VIA GROUP) A VIP GROUP ZAA DINGA TURAWA.

TWO PAGES DAILY
INSHA ALLAH!! MORNING/NIGHT. SAFE DA DARE.

*_TEAM ZAFAFABIYAR_*
[5/23, 3:21 PM] Hafsat Rano 2: *RAYUWAR MACE*
_Hafsat Rano_
Free Page (3)

***
Tun da suka dauki hanya suke masa shakiyance be ce dasu uffan ba, ya riga ya san dole suyi yadda ya dinga kuranta musu ita, ba karamin bata masa rai tayi ba ta kuma maida level dinsa baya a cikin abokan sa, ba dan ya kwallafa rai akanta ba babu abinda zai sa ya aureta dan shi baya son mace me duhun kai. Tsaki ya dinga ja har suka zo in da zasu rabu, ya sauke su ya fizgi motar kamar zai tashi sama sai gida.
A falo ya tarar da Hajiyar da tarin akwatunan lefe tare da sisters dinsa su uku da suka je hado kayan, suna zaune suna dubawa ya shigo ransa a bace zai wuce Nadiya ta dakatar dashi

“Boy baka gammu bane?”

“Na ganku mana.” Yace yayi wucewar sa ya haye sama ya barsu da wagaggen baki.

“Ina ga dai an batawa boy rai, yadda yake zumudin auren nan ai ya tsaya ya ga komai.”

” Gaskiya dai, abun ya motsa.”

Fadila tace tana dariya

” Bari naje naji ko menene ya faru.” Nabeela ta mike Hajiya ta dakatar da ita

“Ku rabu dashi kila shi da abokan sa ne, zai sauko anjima kadan idan ya watsa ruwa.”

Komawa tayi ta zauna suka cigaba da maganar auren suna hada kayan da lissafin abubuwan da za’a siya kuma, Hajiyar na jin su tana amsa waya akai-akai Adam din ya sauko ya zauna a kusa da Nadeeya ya tankwashe kafar sa yana kallon kayan.

“Have a look, kayan wife din ka ne.”

Dan wara idon sa yayi akan kayan sai kuma ya dauke kai yana kallon Hajiyar

“Mah ba zai yiwu a dawo da bikin nan next week ba?”

“Next week kuma? Ai kamar yau ne upper week din Adam, hakuri zakayi a samu ayi shirye shiryen komai a nutse.”

Shiru yayi be sake cewa komai ba, ya ja baya ya jingina da kujera ya ciro wayar sa ya shiga chatting da yan matan sa, hakan ya saka shi manta abinda ya faru, har ya sake suka shiga hira da su kafin su tattara su tafi akan zasu dawo gobe saboda wasu kayan da basu gama siya ba.

***Tsaye Ya Hadiza take a kanta tunda ta shigo take kuka ta ki fad’a mata abinda ya faru, ita kanta ji take kamar tayi kukan dan ta san yanayin da Asma’un take ciki wanda ta taba shiga kusan irin sa Allah ya kiyaye Abba ya sakko aka daidaita, shiyasa take matukar tausayin ta dan mutum irin Adam ace shine mijinka ba karamin tashin hankali bane.

“Ki fad’a min abinda ya faru dan Allah, hankali na ba zai kwanta ba kuma wannan kukan sai ya saka miki ciwo.”

Bayan hannun ta, tasa ta share hawayen sannan ta hau ciro hijab din jikinta saboda zafi da hucin da jikin ta ke fitarwa. Duk Ya Hadizan na tsaye akanta har ta cire ta ninke sannan ta hau kokarin kakalo murmushi ta dora a saman jar fuskar ta.

” Wani abu yace miki?”

Da ka ta amsa mata tana jin wasu hawayen na neman zubowa.

” Karki yarda ki biye wa maganganun sa dan irin Adam xasu iya karar miki da hawayen ki tas babu abinda ya dame su. He’s not worth your tears, ki nutsu ki shiga kai wa Allah kukan ki, sai kiga komai yazo da sauki ta inda bamu zata ba.”

” In sha Allah.” Tace tana kwanciya.

Fita Ya Hadizan tayi bayan ta kara bata baki, ta barta tana sakawa da warwarewa, ta riga ta san rayuwar ta tazo karshe, dan tana jin komai zai iya faruwa a zaman ta da mutum kamar Adam, bata san yadda zata kasance ba amma tana da yakinin zaman ba zai taba dadi ba.

Shirye shirye ya kankama sosai a baangarorin biyu, ita Umma dai tana yin komai ne domin ya zama dole amma ba wai don son auren ba, sai dai bata da damar nunawa saboda Asma’un da Abba dan ba zata yarda ta bata kofar da zata bijire wa mahaifin ta ba. Satin ta guda ta dawo gida a lokacin ne aka shiga yi mata yan gyararrakin mata na al’adah duk da ba wani zafafawa akayi ba amma kuma dole dai zaka yi auren ‘yarka ka dan tabuka wani abu ko yaya.
Komai baya mata dadi duk abinda ake mata kawai tana bi ne don babu yadda zata yi, saukin ta ma tun da yazo gidan Ya Hadiza be sake dawowa ba, sai magana da yayi mata a whatspp akan abinda take bukata tace babu, sai missed video calls dinsa da ta gani sau biyu bata bi ba, shikenan shima be sake bin kanta ba dama Nadeeya ce tace masa ana tambaya shiyasa ma ya tambaye ta, abinda tayi masa ranar yayi masifar bata masa rai shiyasa ya tattara ya watsar da ita ya cigaba da shirye shiryen sa dan babu fashi a auren dan yadda yake ji idan be aure ta ba akwai matsala.

Saura sati daya bikin suka kawo lefe, akwatuna goma cif masu kyau da tsada, tun daga nan hankalin ta ya kara tashi sosai, ta yarda da gaske dai auren babu fashi, babu abu daya da ya burgeta a kayan dan bata son duk wani abu da ya danganci Adam din, sosai take jin tsanar sa. Bayan an karbi lefen kowa ya watse su Ya Hadiza suka zauna zaman yi mata nasiha dan idan aka shiga satin bikin babu me sukunin zama yayi mata, jin su kawai take dan duk abinda suke fad’a bata jin zata iya yin guda daya, ita dai kawai ta riga ta san zatayi aure ne dan biyayya ga mahaifin ta.
Da daddare kafin duk su watse sai gashi ya zo, gabanta ne ya fadi da taji Areef yace yazo, duk suka zuba mata ido tayi saurin zamewa daga zaunen da take ta kwanta kuka na taso mata.

“Tashi zakiyi kije, kiyi hakuri.” Ya Hadiza tayi maganar tana mikewa, tashi tayi daga kwanciyar, ta ja hijab dinta dage gefe zata saka ta girgiza mata kai

” Musulunci ma ya halatta mishi ganin wani abu sashe na daga gareki, ki saka mayafi dan Allah, sai ki dauki Hibba kuje.”

Bata yi mata musu ba, ta ajiye Hijab din ta karbi mayafin dake jikin kanwarta Rauda ta yafa, ta rik’e hannun hibba din suka fita, already ya shigo yana falon Abba shi da Abbaty da Yaya Ibrahim. Da sallama ta shigo duk suka juyo suna kallon ta, sannan suka amsa, murmushi yayi mata tayi kamar bata gani ba, ta samu gefe chan ta zauna sai suka tashi suka fita ya zama daga ita sai shi sai Hibba da ta makale a kusa da ita dan tana da kiwa. Tsam ya taso daga wajen zaman sa ya dawo kusa da ita, har tana jin kanshin turaren sa sosai, bata dago ba ta gaishe shi ya amsa yana bin ta da mayen kallon sa, riga da skirt ne a jikinta simple dinki amma tayi kyau sosai, fuskar ta fayau babu hoda sai yar rama da tayi akan ranar da ya ganta a kitchen.

“Fine baby, ya sunan ki?” Ya mika ma Hibba hannu ta noke yayi murmushi

“Madam ya gida?”

“Madam?” Tace a ranta

“Lafiya lou.” Ta amsa tana mummuraza yan yatsun hannun ta. Kallon hannun yayi, ya kai nasa hannun ya kama tayi saurin janye wa a tsorace ta kalle shi, a lokacin ta lura da shaddar dake jikin sa an masa karamin dinki iya guiwa kansa babu hula ya rage gashin sa sosai.

“Menene haka? Kamar kin ga wani dodo.” Ya tambaya cike da mamakin ta

“Ka daina taba ni.” Tace kai tsaye tana kokarin tashi daga kujerar yayi saurin fizgo mayafinta yana zaro mata idon sa.

“Me kike nufi? Aure fa zamuyi? Me yasa kike behaving kamar baki san yadda rayuwar ta zama bane, bana fa son kauyanci.”

Kallon sa tayi cike da mamakin sa, ta lura akan rayuwar da yake so yake ganin daidai ce nan da nan zaka ga fushin sa, ita kuwa ta gwammace duk abinda zai fad’a ya fad’a fushin sa ba komai bane akan fushin ubangiji. Tana jin sa ya cigba da gaggasa mata magana san ransa, tayi biris kamar ba da ita yake ba, tana da yakinin zafin zuciya ce dashi, kuma bakin sa bashi da control wejan gasa magana. Sai da ya gaji don kansa yayi shiru yana jan tsaki. Ya zaro wayar sa ya hau kira yana cigaba da huci akan kawai ta hanashi taba jikinta.

“Babe where are you?” Yace bayan an daga wayar

“Ok I’m on my way.” Ya kashe kiran ya mike yana kallon ta

“Ba zan yi tolerating kina hana min abinda yake nawa ba, ba zan sake dawowa ba idan an kawo ki gidan zaki ga yadda zanyi dake.”

Daga haka ya juya yana taku dai-dai yayi ficewar sa, be ko yi sallama da kowa ba ya kama gabansa sai gidan Fido, daga chan ya wuce wajen abokin sa ya karbi wasu kaya sannan ya wuce gida.

Tun ranar da ya tafi bata sake jin duriyar sa ba, Hajiya Mama dai tazo sau daya da maganar yadda bikin zai kasance tunda duk abu daya ne bangaren ta da na Abba, umma dai bata ce komai ba, duk abinda suka tsara suka yanke ita bata da ta cewa dan ko da tace din ma ba lallai suyi amfani dashi ba. Daga haka aka shiga satin bikin.
Ranar laraba aka je akayi kafi, gidan yayi kyau sosai sama da k’asa sai parking space, a jikin gidan Hajiya Maman yake dan katangar su daya, dama tace ko Adam zai yi aure yana tare da ita bata so yayi nisa ko kad’an, balle kuma da zai auri Asma’un sai take ganin ai shikenan ma dama Asma’un ikon ta ce itama. Alhamis aka shiga bikin gadangadan, gidajen biyu ko ina biki ya kankama Hajiya Mama dai saboda yawan mutanen wasu sai dan karamin hotel hotel din dake bayan gidan aka kama musu musamman abokan Adam din da sukayi karatu a turai tare suka zo daga wasu states din.

 

 

 

It’s better to marry late than to marry wrong! (Kamar haka dai bature yace, na manta dai.

Don’t marry out of desperation dan aure ya wuce duk tunanin me tunani!

 

_ZAFAFA BIYAR!! ZAFAFA BIYAR!! ZAFAFA BIYAR!!_

_ASSALAMU ALAIKUN MASOYA MAKARANTA LITTATTAFAN ZAFAFA BIYAR_

_BARKAN MU DA SALLAH, ALLAH YA MAIMAITA MANA, AAMIN_

_KU MATSO KUSA, ZAFAFAN NAKU SUN SAKE ZABUROWA DA ZAFIN SU KAMAR YADDA KUKE KAUNAR SU._

_WANNAN KARON MA SUNZO DA WANI SALO MAI NUTSUWA HADI DA ZAFAFAN DARUSSA NA RAYUWA KANA DA FADAKARWA AKAN RAYUWAR YAU.. BANGAREN KOGIN KAUNA KUWA BAA MAGANA. DOMIN WANNAN KARON SUN SAKE TAHOWA DA ZAFAFAN KAUNANNAKI MASU NARKE ZUCIYOYI._ WANDA ZASU ZO MUKU IN SHA ALLAH

_KADA KU MANTA ZAFAFAN NAKU DE SUNE KAMAR HAKA_

_SAFIYYAH HUGUMA: TAZO DA NATA SALON MAI SUNA: *KUFAR WUTA*_🥰

_BILLYN ABDULL TA ZABURO DA WANI TAKEN MAI SUNA: *BAQAR INUWA.*_😍

_MAMUH GEE ITAMA WANNAN KARON TA SAKE TAHOWA DA: *NOORUL-ALB*_🥰

_HAFSAT RANO WANNAN KARON TAZO DA NATA RUBUTUN MAI SUNA: *RAYUWAR MACE*_❣️

_NANA HAFSATU (MSS XOXO) WANNAN SALON MA TAZO DA : *MASARAUTA*_😍

***_DUKA LITTAFAI BIYAR ZASU ZO MUKU NE AKAN FARASHIN YADDA SUKE KAMAR KODA YAUSHE_*

_BIYAR : DUBU DAYA (1k)_
_HUDU: 700_
_UKU: 500_
_BIYU: 400_
_DAYA: 300_

_AKWAI TSARIN VVIP SUITES GA MASU SON HAKAN. FARASHIN SU DABAN, DOMIN KARIN BAYANI SE A TUNTUBE MU TA: _

*_ZAKU BIYA KUDINKU ANAN👇👇_*

Bilkisu Ibrahim Musa
1487616276
Access bank

Number shaidar biya👇🏼

*_09032345899_*

*KATIN MTN*👇👇

09166221261

______________________

ZAFAFA BIYAR

VVIP SUITES : 3500 (PC/TA PRIVATE KAI DAYA)

VIP SUITES : 3K (VIA GROUP) A VIP GROUP ZAA DINGA TURAWA.

TWO PAGES DAILY
INSHA ALLAH!! MORNING/NIGHT. SAFE DA DARE.

About Godswill

Check Also

NI DA MALAMATA Complete Hausa Novel

NI DA MALAMATA Complete Hausa Novel Page 1 . …..Cikin yanga da ƙasaita take saukowa …

Leave a Reply

Your email address will not be published.