Breaking News
Home / HAUSA NOVELS / WANI LABARI Complete Hausa Novel

WANI LABARI Complete Hausa Novel

WANI LABARI Complete Hausa Novel

1__
abun yana matukar bani mamaki hade da
bani dariya musamman idan naji al’umma
suna kuranta soyayya. Abun har kunya yake
bani musamman idan naga wani ya shiga
bacinrai akan soyayya. Ban sani ba ashe nima
soyayya ba mantawa tai da shafinaba sai dai
kuma soyayyar data tashi budo shafina saita
budomin bakin shafi wanda bansan ta ina zan
fara sarrafa linzamin soyayyar ba. Lokaci daya
khadeeja ta shiga zuciyata ko kuma ince muku
ummey domin dashi a saba kiranta. Duk da
cewar unguwarmu daya kuma layinmu daya
da ummey bamu cika yima juna magana ba
domin ni ko kadan banason raini ya shiga
hanyata sai bayan ummey ta dan tasa nima
shekaruna sunja. Sai na fahimci ummey ba
yarinyace mai raini ba kawai tsantsar
alkunyace a tattare da ita. Hakika ummey tana
da fasalinta na kyau dolene nasata a jerin
masu kyan diri bawai dan zuciyata tana
bukatar kasancewa a tare da itaba na tabbata
duk wanda yai ido biyu da ummey dolene ya
yaba surarta. Ummey bata da wata abokiyar
yawo wadda ta wuce anti zainab yayata kenan
wannan al’amarin yana matukar burgeni ganin
yadda zainab ta dauki ummey tamkar
kawarta. Ummey takan shiga gidanmu tayi duk
abunda taga dama kamar yadda antita zainab
take gudanar da harkokinta a gidanmu.
Tabbas zuciyata tayi matukar kamuwa da son
kasancewa a tare da ummey a matsayin
wadda zata kasance uwar yayana. Amma sai
dai nakasa samun hanyar da zata kasance
mafi sauki wajan cimma burina na samun
tabbataccen wajan zama a zuciyar ummey.
Tabbas ni kaina nasan ummey tafi karfin ajina
ganin hakane yasa na nemi tausar zuciyata ta
hanyar mantawa da ita amma ina hakan bazai
taba yuwuwaba domin ako wace rana nakanyi
ido biyu da ummey fiye da sau talatin kai
banmasan iyakaba kuma duk sanda zanganta
sai shaukin sonta ya sake sabon toho a
zuciyata. Gaisuwace kawai take hadani da ita
idan ba wannan ba bazan iya cewa ga wata
maganar data taba hadani da ummey ba
tabbas zuciyata tana matukar girmama
ummey fiye da anti zainab amma saidai
zuciyar tawa bata da ikon fito da wannan
girmamawar a fili ta yadda ummey zata
fuskanta a wannan lokacinne na fahimci
girman soyayya. A yayin danabi duk wata
hanyar data dace wajan mallakar numbar
ummey saina sayi sabon layin MTN ako wace
rana nakan tura mata da sakonnin jan hankali
kamar sau ukku domin cimma burina sai da
na dauki kimanin sati ukku ina aika mata da
sakonni iri-iri amma ban taba ganin replay
dinta ba furucin da taimin a karshe ba kadan
yasani kukan zuci ba. Da sassafe na dakko
layin dana saba aika mata da wannan sakonni
da kudurin aika mata da sakon barka da
safiya koda na dora layin sainai arba da
sakonta cikin yanayin shauki na bude sakon
abunda tace shine “dan Allah dan Annabi
idan kana ganin girman iyayenka kayi hakuri
ka daina aikomin da wadannan sakonnin. Nan
take naji duk ilahirin jikina ya mutu kamar
wanda aima dukan kawo wuka. Duk da haka
ban hakuraba. A wannan lokacin karamar
wayace dani kirar nokia E72 duk da cewar ba
wani dadin hawa social network zanji da ita
ba haka na bude sabon account a shafin
facebook da boyayyan suna nayi amfani kafin
kowa ya sanni dashi a yanzu wato Young
Uzee ummey itace farkon wadda na farayin
adding kaina tsaye nashiga bangaran search
dayake bansan cikakken sunan da take
amfani dashiba sai nayi amfani da numbar
wayarta wato waddana saba aika mata da
sako a baya kenan saboda ina kyautata zaton
dashi ta bude account din koda na rubuta
numbar nan take nayi ido biyu da account
dinta cikin gaggawa na aika mata da frnd rqst
saida a dauki tsawon kwana takwas sannan
na samu karbuwa a matsayin frnd dinta duk
da hakan dai ban tsiraba domin bansan
adadin maganar da nai mata ba amma shiru
babu replay har raina ya fara kuna saina tuna
ummeyfa kyakkyawace dolene al’umma suyi
mata katutu/yawa ta hanyar aika mata da
sakonni iri-iri wanda hakan zaisa taki tsayawa
dan karanta sakon kowa daya bayan daya.
Ganin hakane yasa na aika mata da sakon da
zai jawo hankalinta zuwa gareni. Abun da
nace shine {“haba malan sam wannan ba
halin mutun nagari bane kaji tsoran Allah ka
rufe wannan account din. yanzu a matsayinka
na musulmi meye amfanin bude account da
sunan mace hade dasa hotan wadda bakasan
ko waceceba kaji tsoran Allah ka daina amma
kayi hakuri idan na batama rai”} bayan 7
minutes da aika mata da wannan sakon. Sai
replay dinta ya shigo wayata abun da tace
shine {“subhanallah dan Allah karkayi tunanin
wannan account din na wanine to bana kowa
bane face nawa kuma ni macece kuma hotan
daka gani a profile dina bana kowa bane face
nawa”} sai nayi mata replay nace {“dan Allah
ummey kiyi hakuri wallahi nasan wannan
account din nakine banawani namiji ba kawai
na rasa yadda zanyine domin naga kin kulani
a matsayina na frnd dinki a kalla nayi miki
magana tafi ashirin ba tare da nayi kacibus da
replay dinkiba hakane yasa nayi miki wannan
maganar sai gashi kuma nayi sa’a kin kulani
dan haka wallahi ko yanzu kiyi blocking dina
bazan wani damu ba tunda har nayi nasarar
magana da kyakkyawar mace kamarki”}
hakika na dauka zata fadamin wata
mummunar magana sannan tayi blocking din.
Amma sai naga sabanin haka. Murmushi tayi
tace {“humm”} ba tare da furta wata kalmaba.
Sai nace {“to amma ummey ko zan iya sanin
abunda yasaki murmushi haka cikin kankanin
lokaci mai makon ki nuna bacin ranki akan
abun da nai miki?”} Sai tace {“kawai
salankane ya burgemi.} Wannanne yasa
najawo hankalin ummey zuwa gareni. Yanayin
yadda nake chating da itane yasa ta kagu taji
muryata numbarta ta turomin tace dan Allah
na kirata ko kuma nayimata plashing domin ta
kirani anannefa na fashinci wannan hanyar
bazata taba bullewa dani ba domin muddun
nayi kuskuran kiran ummey a waya to babu
makawa saita ganeni ni kuma hakane banaso
domin kuwa so nake sai munyi matukar
shakuwa da juna sannan zan bijiro mata da
ainashin kudurina a kanta. Hakane yasa gaba
daya nayi forget din facebook dina domin
canza wata sabuwar hanyar wadda kuma
nake kyautata zaton zata bulle dani. Kwatsam
wata ranar asabar musalin 5:00pm nayi
wankana kamar yadda na saba zan fita kenan
sai nayi kacibus da abbana ayayin da yashigo
gida wani kallo naga yaimin hade da cewar
kasan yaune za’a fara aikin gyaran gidannan
amma saboda tsabar wulakanci tun dazu nake
nemanka ban samu ganinkaba gudun karna
batawa masu aikin lokacine yasa na daga
aikin zuwa gobe saboda key din dakin da’a
aje simintin yana wajanka dan haka maza kaje
ka dakko key din ka fito da gaba daya
simintin dake dakin ba yadda na iya duk da
wankan da nayi haka na bude dakin na fara
fito da simintin dake dakin tabbas buhun
siminti ba karamin nauyine dashi ba a yayin
dana dakko na farko dakyar na iya fitowa
dashi waje koda ummey tazo wucewa ta kusa
dani tare da anti zainab sai Allah ya jarabceni
ta hanyar taka wani dutse bansan lokacin da
wannan simintin yaje kasba koda kurar
wannan simintin ya dan budesu cikin yanayin
wasa ummey tace “kash dadina da yaran
zamani sun fiye gaggawa kasan karfinka
baikai ba taya zaka dauki wannan simintin
gashi har kana neman batamu da kura. Koda
na dago kai na kalleta sai nayi dariya hade da
cewar zan ramane yarinya tun daga wannan
lokacin sai wasa ya fara shiga tsakanina da
ummey.
=> 2
haka naita nazarin hanyar da zata haifar da
wasa a tsakanina da ummey amma kwata-
kwata na rasa. Kwatsam wata rana ina zaune
a falon gidanmu ranar banje ko inaba haka na
tasa set light da kallo. Karar bude kofa naji
dubawar da zanyi sai kuwa nayi ido biyu da
ummey bayan tayi sallama na amsa mata
kanta tsaye ta wuce dakin anti zainab ko
cikakken 3 minutes da shigarta ba aiba sai
gata ta fito da zuwanta gareni kamar zata
zauna a kusa dani sai tace “kaga dan
komacan inason nai kallone. Kallonta nayi tun
daga sama har kasa sannan nace ” ummey
idan har na tashi rama wulakancin da kikemin
to babu makawa sai kin koka dani. Murmushi
naga tayi sannan tace “au da yayar taka kake
sa’insa to dan Allah karka janye wannan
kudurin naka mu fara daga yau. Saina jinjina
kai sannan na tashi na bata wuri. A kalla an
daki kimanin 1 week da faruwar haka kwatsam
da musalin karfe 8 na dare nazo wucewa a
kan hanyata ta komawa gida dayake layin mu
daya da ummey a yayin da nazo dai-dai kofar
gidan su ummey sai kuwa muyi ido biyu da
juna a yayin da take tsaye da wasu samari
biyu a matsayinta na wadda nake so kokuma
ince wadda nake kauna ko kadan ban waji ji
haushin kasancewarta a tare da wadannan
mutanan ba domin duk mai kaunar abunda
nake kauna shima masoyinane amma sai nayi
amfani da wannan damar dan rama abunda
tayimin da isata gida ba inda naci burki sai a
dakina wasu tsofaffin magungunan da wani
doctor ya taba rubutamin na dakko kati biyu
wadan da nima kaina na manta adadin
dadewarsu a wajena cikin yanayin kwarin
guiwa na fito daga gida da zuwana inda suke
nai sallama kamar yadda addinin musulunci
ya tanadar mana cikin yanayin sakin fuska na
mika musu hannu mu gaisa. Haka nasa
hannuna a aljihu na dakko wannan maganin
koda na kalli ummey sai nace “ummey dama
dazune anti zainab ta aikoni wajanki domin na
karbar mata sakon data baki, sai kuma ayi
rashin sa’a a wannan lokacin bakyajin dadi
sakamakon gudawar da take damunki hakane
yasa ban samu damar ganinki ba sakamakon
a wannan lokacin kina toilet saboda gudawar
ta matsa miki shine abbanki ko kuma ince
abbanmu ya aikeni domin na siyo miki
wannan maganin saboda yasan bakya shiri da
allura. Nanfa ummey tamin wani kallo cikin
yanayin bacin rai tace ” kaga karka sake
yimin irin wannan. In banda tsabar wulakanci
yaushene na kamu da wata rashin lafiya balle
ayi batun gudawa ina gudawarne zan dauki
tsawon wannan lokacin a waje. Koda naga
alamun bazata karbi maganin ba kaina tsaye
nashiga gidansu. Saidai kuma na dauki
tsawan lokaci rabona da shiga gidan da
shigata sai kuwa nayi kacibis da mahaifinta a
harabar gidan bayan mun gaisa cikin yanayin
sakin fuska yace “yau kuma kaine a gidan ai
na dauka ka manta damune sai nayi dariya
nace ” abba ai ba yadda za’ai na manta daku
nima kaina nasan ban kyautaba yanzu nazo
wucewa saina hadu da ummey anan kofar
gida shine take cewa ai bani da mutunci
kullun zataje gidanmu ammani banason zuwa
gidansu hakane yasa na shigo domin na
wanke wannan laifin a idonta sai yai dariya
hade da cewar aikon ta kyauta. Haka na
karasa ciki na gaisa da mahaifiyarta sannan
na fito koda na dawo gareta sai nace “ummey
abba yace kije yanason ganinki ba yadda ta
iya haka tayi bankwana dasu ranta a bace.
Bayan sun tafi sai nace ” ummey ai bai
kamata ki nuna bacin ranki akan wannan
kankanin wulakancin ba domin tun farko ke
kice muzuba mugani. Sai ta jinjina kai hade
da cewa “hakika kayimin wulakancin da yai
matukar konamin rai amma kasani muddun
ina raye babu abunda zai hanani rama
wannan cin mutuncin da kaimin a wannan
lokacin saida mu dauki kimanin wata daya ba
tare da mun sake yima juna maganaba
kwatsam wata rana zamu garin kaduna daurin
auran wani kanin mahaifiyata mutuncin da
yake tsakanin gidanmu danasu ummey ne
yasa ummey ta bimu wannan bikin ashe raban
za’a samu dai-daito tsakanina da ummey ne
muna cikin tafiya sai nace ” anti karfa ki
manta da kudin da kice zaki cikamin domin
siyan wayar da nake bukata budar bakinta sai
tace “kaga karfa ka takuramin tunda nace zan
baka kawai ka zuba ido mana da isarmu
kuwa haka na sake tambayarta batun kudin
domin na kagu naga iPhone 6 ta shiga
hannuna nan take ta hauni da masifa hade da
cewar na bari saimun koma gida ganin hakane
yasa ummey ta nuna tausayawarta a gareni
koda ta kalleni sai tace “nawane cikon kudin
da zata baka cikin yanayin bacin rai nace 8
thousands ne sai ummey tayi dariya sannan
tace “indai dan 8 thousands ne to karka damu
ni zan cikama da yake akwai wani shagon
saida wayoyin dana sani a kasuwar bacci
dake kaduna haka mutafi tare da isarmu
bayan anyi cinikin waya iPhone 6 akan kudi
naira dubu 67 sai kuwa ummey ta karbi kudin
dake hannuna ta cika naira 8,000 sannan ta
mikawa mai waya nannefa na gane cewar
ashe ummey gadar zare ta shiryamin domin
daukar fansar wulakancin da nai mata a baya
domin kuwa sunanta naji tace asa a resit din
haka na zuba ido a kammala komai a gaban
idona sannan ta kalleni tace ” nagode yayana
kasiyamin waya. Cikin yanayin nadama nace
dan Allah ummey kiyi hakuri nasan nayi
kuskure amma daga yau babu yadda za’ai na
sake aikatamiki abunda zai haifar da bacin rai
a tattare dake murmushi naga tayi sannan
tace da zakayi hakuri ka cire wannan wayar
daga zuciyarka zaifiyema komai dadi domin
wahalar da kanka kawai kakeyi koda taga
alamun zan takura mata nan take ta damka
wayar a hannun wannan mutumin tace “malan
ka’ajemin wayarnan na tsawon wata biyu
sannan ta damkamai 2 thousands a matsayin
kudin ajiyarshi inaji ina gani haka nayi
bankwana da kudina ba tare da cikon burina
ba. Bama wannanne yafi damuna ba illa
rashin sanin hanyar da zan bullo mata dan
ganin sakon zuciyata ya isa gareta abunda
nake nufi shine nasamu soyayyarta. Amma
duk da haka ban ja da baya ba haka muci
gaba da yima junanmu wulakanci mai kama
da rashin mutunci.
=> 3
Haka ummey taita min dariya domin tasan
dolene raina ya baci ganin yadda mu koma
gida ba tare da ummey ta karbi wayar bane
yasa na tabbatar da cewar eh lallai babu
yadda za’ai ta bani wannan wayar balle ayi
batun dawowar kudina. Duk da irin wannan ta
addancin da ummey taimin baisa taja da baya
wurin ci gaba da yimin abunda taga dama ba
bazan taba mantawa da wata ranar monday/
litinin ba ranar mahaifiyata da abbana
basanan sunyi wata tafiya garin bauchi haka
na dawo gida a yunwace koda na duba inda
asaba ajemin abinci banga komaiba face
emptying plate haka na shiga dakin anti
zainab cikin yanayin damuwa nace “wai anti
baki girka mana komai bane? Budar bakinta
sai tace ni baiwarkace da zan zauna naima
girki. Cikin yanayin sakin fuska nace ”
ammafa zainab baki da mutunci. Wani kallon
hadarin kaji taimin hade da cewar a ina kuma
ka manta antin da zaka kira sunana kaitsaye
ba girmamawa? Budar bakina sai nace “ai
idan har kiga yara suna kiran yayarsu da anti
to ki tabbata tana kyautata musune ammake
ko kadan wannan sunan bai kamaceki ba
domin bana samun wannan kyautatawar daga
gareki. Koda naga alamun ranta ya baci sai
nace ” haba antita dawasafa nake miki domin
nasan bazaki rasa yan kudin da zaki baniba
domin naje na samu dan abunda zanci.
Dakyar na shawo kanta ta dauki two hundred
#200 ta bani domin naje naci abinci ba yadda
na iya haka na karbi wannan kudin
majalissarmu na nufa domin nasan acan
bazan rasa abunda zan siya ba da isata ko
zama banyi ba nace da maryam mai shin kafa
ta kawomin ta dari hade da coke mai sanyi da
kawowarta ko faraci banyi ba saiga musta
bangis abokina kenan yazo gareni a gaggauce
wayar dake hannunshi naga ya mikomin hade
da cewar wata yarinyace mai suna aisha
takeson magana dakai haka na tashi na koma
lungu domin jin ko wacece ban saniba ashe
tun daga nesa ummey taga lokacin da’a
kawomin wannan abincin da zuwanta ta dauki
wannan abincin hade da coke din ta
damkawa almajirai tace “ku karbi sadaka.
Tabbas bayanin da naji daga bakin aisha
wadda nai waya da ita kenan ba kadan ya
jefani a rudani ba. Haka na dawo wurin
abincina kaina a daure. Koda na duba naga
ba abinci kuma ba coke sai na kalli bangi
hade da sauran abokaina nace ” ina kuma
abincin nawa? Budar bakin bangis sai yace
“gashican a hannun almajirai cikin yanayin
fusata na daka musu tsawa! Cikin yanayin
dariya nuhu ya dafa kafadata yace ” kaga
abokina karkaga laifinsu domin ummey ce ta
dauka da hannunta ta basu. Saina jinjina kai
nace “ammafa wannan yarinyar tafini
wulakanci. Haka bangis ya karbarmin wani
abincin daga wajan maryam. Inacin abincin
ina tunanin maganar da aisha ta fadamin
bayan naba bangis wayar sannan nace ” dan
Allah ya tabbata yayi saving din numbar
domin ina bukatar sake magana da ita bayan
kwana ukku da faruwar haka musalin karfe
5:00pm ina zaune a kofar gida saiga ummey
tazo gareni kaida ganin fuskarta kasan akwai
damuwa a tattare da ita kusa dani ta zauna
koda naga idanuwanta duk sun canza daga
yadda na saba ganinsu sai nace “amma
ummey ban taba ganinki a cikin irin wannan
yanayin ba ko zaki iya sanar dani abunda
yake faruwa? sai tace “tabbas na aikatama
laifi mafi muni domin abbana ya fasa wannan
wayar daka siya a garin kaduna. Kuma wallahi
ban hanaka wayar domin ta zama mallakinaba
kawai na hanakane domin na gane shin
soyayyar da kakemin gaskiyace ko kuma wasa
kakeyi domin tun daga lokacin daka fara
aikomin da wadannan sakonnin na gane
cewar ba kowa bane yake aikomina da
wannan sakon illah kai cikin yanayin mamaki
nace amma ummey taya ai har kisan da
cewar nine nake aikomiki da wadannan
sakonnin?
=> 4
Ummey tace wata ranar juma’a lokacin ina
zaune tare da zainab a falon gidanku koda
zainab taji karar horn din motar abbanku cikin
yanayin tsoro naga ta afka dakinka da sauri
ganin hakane yasa nabi bayanta dan jin
abunda yake faruwa cikin yanayin mamaki
nace amma zainab lafiya kuwa naga kin shigo
nan a tsorace? Budar bakinta sai tace
“wallahi tun dazu abba ya kirani a waya yace
na dakkomai wasu takaddu a durowarshi
kuma shaf na manta nasan idan yai ido biyu
dani sai nasha fada da shigowar abbanku
bayan yai sallama sai ya fara kiran zainab
amma zainab sai tai shiru ba tare data
amsaba Allah cikin ikonsa sai kira ya shigo
wayarta cikin yanayin furgici ta jefar da wayar
haka wayar tai watsa-watsa ba tare da sanin
wa yake kiranta ba ashe tuni karar wayar ta
isa kunnan abbanku a wannan ranar ba kadan
zainab tasha fada ba bayan abbanku ko kuma
ince abbanmu ya dauki abunda zai dauka ya
fita sai zainab tace naje na dakko mata
wayarta a tsakar dakinka naga wayar batirin
hade da marfin kuma a karkashin gadonka na
dakkosu amma Allah baisa naga naga layin ba
wani littafin geography na gani a kasa koda na
dagashi sai naga layin MTN ya fado kasa
kasancewar bansan layin da take amfani
dashi bane yasa na dorashi a wayar tata da
yake wayar irin karamar nokiyar nance ina
kunnata ta kawo bayan na damka wayar a
hannunta sai tayi kokarin duba wannan
numbar da’a kirata kafin ta jefar da wayar
kenan amma bataga numbar kowaba face
numbata koda ta shiga bangaran message sai
taga sakonnin da ba ita ta turasuba sai ta
kalleni tace “ummey wannan ai ba layina
bane kuma ni ai airtel nake amfani dashi ba
mtn ba duk yadda ai wannan layin brother
dinane domin na tabbata wadannan sakonnin
babu wanda zai turasu face shi. dariya naga
tayi a yayin data kalleni sannan tace ummey
yashe ku fara soyayya cikin yanayin mamaki
na karbi wayar na duba hakane ya
tabbatarmin da cewar kaine kake aikomin da
wadannan sakonnin a wannan ranarne na roki
zainab akan karta nuna wata alamar da zatasa
kagane mun duba wannan layin naka. Sannan
na bukaceta data kauda kanta akan duk kan
wani abunda zai faru a tsakanina da kai. Haka
naita yima abubuwan da zasusa ranka ya baci
amma domin auna mizanin soyayyar da
kakeyimin a zuciyarka wanda hakan ta
tabbatarmin da cewar lallai kana matukar
sona a karshe saina yanke shawarar komawa
kaduna domin karboma wayarka haka na tafi
ba tare da kowa ya saniba domin ko
mahaifiyatama bata sani ba balle abbana sai
a samu akasi a yayin dana isa garin kaduna
ba inda na tsaya sai a shagon damu sayi
wayar akasin da’a samu shine ban samu
shagon a bude ba domin a rufe na sameshi da
yake ya rubuta numbar wayarshi a gaban
shagon sai nayi kokarin kiranshi koda ya daga
bayan mun gaisa hade da sanar dashi dalilin
kiranshi a wannan lokacin sai yace to gaskiya
yanzu haka yana zaria daurin auran wani
abokinshi haka na zauna zaman jiranshi har
ya dawo ba kuma shi ya dawo ba sai musalin
karfe 5 ban saniba ashe abbana ranshi yayi
matukar baci sakamon rashin ganina in
takaicema dai bani na dawo gidaba sai
musalin karfe 8 na dare da shigata falo sai nai
kacibus da abbana cikin yanayin damuwa
hade da bacin rai yace “ummey daga ina
kike? Sai nai shiru ba tare dana bashi amsaba
domin na tabbata idan na sanar dashi inda
naje raina ba karamin baci zaiyi ba gudun kar
raina ya bacine yasa naimai karyar zainab na
raka zaria. Jinai ya daukeni da mari hade da
cewa munafukar banza kawai ni zaki rainama
hankali a kalla na kira wayarki yafi a kirga
amma sam bata shiga. Muryata tana rawa/
bari. Nace “abba babu cajine. Jinai ya
dakamin tsawa hade da cewa ina wayar take?
Cikin rawar jiki nasa hannuna a aljihu domin
dakko wayar sai a samu akasi na dakko
wannan iPhone din koda abbana yaga iPhone
a tattare dani sai yace ” ummey a ina kuma ki
samo wannan wayar? Cikin yanayin kidimewa
nace “au! Abba ba ita bace wannan. Wani
kalar kallo naga abbana yamin hade da cewar
ummey a sanina wannan wayar mai matukar
tsadace kamar yadda nasan bana baki kudin
da zasu sa har ki sayi wannan wayar haka na
tabbata bazaki samu kudin wannan wayar
daga wajan mahaifiyar kiba dan haka ki
gaggauta sanar dani yadda ai ki samu kudin
da kisayi wannan wayar. Cikin yanayin kuka
nace ” wallahi abba ajiyarta abani. Ban tashi
auneba sai jinai ya bugata da kasa sannan ya
nunani da yatsansa yace ko wayar uban waye
ya sake ganinta a tattare dani to babu
makawa sai ya fasata kuma yaci mutuncina.
Bayan ta gama bani wannan labarin sannan ta
kalleni hade da cewa bansan wane irin hakuri
zan bakaba a dalilin faruwar wannan
al’amarin. Sai nayi murmushi nace “haba kefa
tamkar kanwata na daukeki dan haka zan iya
sadaukar miki da koma menene. Sai dai kuma
ummey akwai wani bakon al’amari wanda ya
jefa zuciyata a rudani ko kuma ince sarkakiya
wanda nake ganin muddun hakan ya kasance
gaskiya to zuciyata zata iya cutuwa. Cikin
gaggawa ummey tace ” yayana dan Allah kayi
gaggawar sanar dani wannan sarkakiyar. Sai
nace “ummey akwai wata yarinya kokuma
ince budurwa mai suna aisha wadda ta kira
wayar abokina bangis da bukatar magana
dani bayan bangis ya kawomin wayar
maganar da naji daga bakinta ba kadan ta
girgizani ba. Bayan mun gaisa sai tace ” kai
dan uwanane dan haka bazan taba bari ka
cutar da zuciyarka wajan fadawa soyayya da
wadda aure bazai taba kasantuwa a
tsakaninka da ita ba dan haka ina mai
tabbatarma da cewar har abada babu aure a
tsakaninka da wadda kake shirin fadawa
soyayya da ita wato ummey domin addinin
musulunci yayi hani da hakan na bude baki
zanyi magana kenan sai ta yanke wayar.
Saina kalli ummey nace “babban abunda
yake dauremin kai shine taya ai tasan akwai
soyayyarki a cikin zuciyata kafin na bayyanata
a gareki kuma ta wace hanya ta samu numbar
abokina bangis sarkakiyar da nake ciki itace
shin dagaskene babu aure a tsakanina dake?
Sai ummey ta girgiza kai hade da cewa
meyasa kake kokarin haifarma zuciyarka da
damuwa kafi kowa sanin cewar babu wata
dangantakar da zatakawo batun hana aure a
tsakanina da kai dan haka kamar yadda na
dauki wannan maganar a matsayin shirme
zanso kaima kayi kokarin daukarta a matsayin
hakan.
=>5
Tun daga wannan ranar komai ya sauya a
tsakanina da ummey lokaci daya ta janye
kanta dangane da batun yawo tare da anti
zainab sai ya zamto ba kowane abokin
rakiyartaba face ni tun ina dan nuna jin kunyar
jerawa tare da ummey a matsayina na bakon
soyayya rannan kuwa sai ummey ta kalleni
tayi murmushi hade da cewa na fahimci kana
matukar jin kunyar jerawa tare dani
musamman a yayin dana bukaci rakiyarka a
gareni to amma ni a ganina hakan ba wani
abun kunya bane a matsayinmu na masoyan
juna kuma ta wani bangaran ni tamkar
kanwarka nake domin gidanmu da naku ya
zama tamkar daya duba da yadda iyayanmu
suke mutunta junansu wanda hakan yasa nake
aikata duk wani abunda naga dama a gidanku
ba tare da ahalinka sun nuna wata damuwa
ba abun yana matukar bani haushi ganin
yadda kai baka damu da zuwa gidanmu ba
kamar yadda na maida gidanku tamkar
gidanmu zanso kaima kayi kokarin daukar
gidanmu tamkar gidanku kamar yadda
nakeson ka cire duk wata kunyar da take
tsakanina da kai haka dai soyayyarmu taita
bayyanuwa a idon kowa ko wace safiya
mukan turawa junanmu da sakon barka da
safiya ta waya idan dare yayi bama taba yin
bacci ba tare da munyi waya da juna ba.
Kwatsam wata rana muna cikin fira nida
ummey da musalin karfe 8:30pm sai calling..
Ya shigo wayata. koda naga bakuwar
numbace ban wani bata lokaciba cikin
gaggawa na daga kiran muryar mace naji
ayayin da tai sallama a gareni. hakane yasa
na gane ko wacece domin ba wata bace illa
aisha. budar bakinta sai tace wato har yanzu
kananan akan bakanka kenan to bari kaji
wallahi wahalar da kanka kawai kakeyi domin
ummey bazata taba zama matarkaba. Cikin
yanayin bacin rai nace kinga wallahi muddun
nayi ido biyu dake wallahi ina mai tabbatar
miki da cewar sai kinyi matukar raina kanki.
Dariya naji tayi sannan tace “ai bansan zaka
iya aikata hakanba domin yanzu na wuce ta
kusa daku nan take na sauke wayar daga
kunnena na fara waige-waige domin tabbatar
da maganarta koda ummey taga ina waige-
waige sai tace ” yayana lafiya kuwa, me kuma
ya faru? cikin yanayin mamaki nace ummey
kinga wata ta wuce tanan yanzu sai ta danyi
shiru na dan wani lokaci sannan tace kwarai
kuwa akwai wadda ta wuce ta nan kusan
tsayinmu daya da ita tana sanye da wasu
kaya ruwan madara sanye da wani farin
gyale. Sannan ta kalleni tace “wai me yake
faruwa? Bayan na sanar da ita duk abunda ta
fadamin driya naga ummey tayi sannan tace ”
ko wacece wannan to babu abunda zata karu
dashi face bakin ciki hade da takaici. Haka
mu dauki wannan maganar a matsayin shirme.
amma duk da hakan zuciyata bata gaza wurin
afkawa cikin katafaran rudanin yadda ai har
wannan addababbiyar yarinyar ta samu
numbata ba. maimakon mutsaya muyi dogon
bincike a kanmu kawai sai muci gaba da
soyayyarmu ashe maganar aisha tana kama
da gaskiya koda a tsakanin iyayan ummey da
iyayena mahaifiyatace ta fara gane cewar
akwai soyayya a tsakanina da ummey. Cikin
dare musalin karfe 11:00pm mahaifiyata ta
shigo dakina. koda ta tasheni daga bacci cikin
yanayin mamaki nace “umma lafiya kuwa? Sai
ta jinjina kai tace ” lafiya kalau nazo garekane
da wata bukata a matsayina na mahaifiyarka.
Cikin gaggawa nace “umma ki fadi duk wata
bukatarki nayi miki alkawarin zan biya miki ita
domin nasan bazaki taba tunkarata da bukatar
da zatafi karfina ba. Budar bakin mahaifiyata
sai tace ” meye alakarka da ummey? Nan
take na sumkuyar da kaina kas, na dauka
wannan ita kadaice bukatarta a gareni. cikin
kwarin guiwa nace “umma ba wani abu bane
a tsakanina da ummey illa soyayya. Sai tace ”
to indai har kanajin maganata a matsayina na
mahaifiyarka zanso daga yau ka dakatar da
wannan soyayyar taku kuma karka bari ta
fahimci cewar nice makasudin faruwar hakan
balle wasu daban kai ko yayarka zainab
banason tasan da wannan maganar domin
banason hakan yai sular daina shigowar
ummey gidannan. Cikin yanayin rudani nace
“to amma umma ni a sanina mafi yawanci
iyaye sukan hana yayansu auran wadda
sukesone saboda wasu dalilai ko wani dalili.
Amma sai gashi ke da kanki kin nemi na guji
ummey ba tare da kin sanar dani dalilin
hakanba kuma ta wani bangaran sai naga
kamar ummey bata aikata wani laifin da zaisa
ki nemi rabani da itaba saboda naga alamun
kina matukar kaunarta wanda hakan yasa
bakyason wani dalilin da zaisa ta daina
shigowa gidannan. Sai na kalleta nace ” dan
Allah umma ki sanar dani abun daya faru? Sai
ta girgiza kai hade da cewar na riga na
daukar wa mahaifinka da iyayan ummey
alkawarin bazan taba sanarma kowa wannan
sirrin ba dan haka kawai kayi hakuri ka
biyamin wannan bukatar tawa ba tare da kaji
komai ba. Nan take hawaye ya kwaranyo
daga idanuna. Cikin yanayin kuka nace
“umma karkisa zuciyata ta fara zarginki da
aikata ba daidai ba. Nan take tasa hannunta
ta share hawayen dake fuskata. Hade da
cewa ko kusa karka taba barin zuciyarka ta
zargeni da sabama ubangijinsa domin ban
taba aikata fasikanci ba kamar yadda kake
tunani. Sanannan ta tashi tayi waje ta barni
cikin rudani.
=> 6
Haka na kwana cikin rudani hade da
matsanancin tunani washe gari da sassafe
saiga ummey ta shigo kamar yadda ta saba
kanta tsaye ta shigo dakina a kwance nake
amma idona biyu duk da cewar babu wani
annuri a tattare dani haka na dan saki fuskata
cikin yanayin sakin fuska nace “ummey kardai
kice kinzo tashina baccine? Murmushi naga
tayi sannan tace “amma ya ai kasan abun
daya kawoni? Budar bakina sai nace ” ai
saboda zukatanmu sun riga da sun zama
dayane shine dalilin da yasa na fahimci haka.
Sai tace “kaga malan tashi kazo muje kayi
breakfast domin akwai inda nakeson ka
rakani. Bayadda na iya haka na fita ba’a son
rainaba domin ko kadan banason na batawa
mahaifiyata ranta gudun kar ummey ta fahimci
na fara ja da baya da itane yasa na fito.
Bayan nayi brush haka na zauna a falo ina cin
abinci ga kuma ummey ta zauna kusa dani
tanamin irin kallon da masoya sukewa junansu
mai kawar da kunci da bacin rai bayan na
kammala saina fita tare da ita domin rakata
inda take son zuwa bayan na dawo gida sai
na fahimci ran mahaifiyata yayi matukar baci
gaba daya saina rasa hanyar da zanbi
danganin na ciwa mahaifiyata burinta ba
tareda ummey ta fahimci komai ba duk da
cewar nasan hakan ba abune mai yuwuwaba
amma ko kadan zuciyata bata daina nazarin
neman mafita ba. rana daya nayi duk wani
shirina na tafiya garin jigawa amma sai dai
kuma ina duba yiwuwar tafiyar da zanyi zata
dauki dogon lokaci domin bana tunanin cewar
zan dawo har sai lokacin da ummey tayi aure.
Koda na sanar da iyayena batun tafiyata da
kudurin bazan wuce sati daya ba. Sai suyimin
fatan alkairi hade da sa albarka a gareni.
Ummey har zubar da hawaye tayi a dalilin
wannan tafiyar tawa inaji ina gani haka nayi
bankwana da abar kaunata wadda ko tuntube
batason taga nayi a yayin da muke tafiya tare
da juna. Tafiya nake amma ina tunanin irin
soyayyar da mukewa junanmu hade da
tunanin halin da ummey zata tsunci kanta a
yayin da taji shiru ban dawoba. Duk da irin
wannan tunanin da zuciyata take ciki bai
hanani tafiyaba badan komaiba sai dan
cikawa mahaifiya burinta saboda kokadan
banason mahaifiyata ta shiga damuwa a
dalilina amma sai dai kuma a zuciyata ba
jahar jigawa nake da kudurin zuwaba domin
kuwa jahar kebbi ce a zuciyata. Musalin karfe
1 na dare na sauka a kebbi state. Da saukata
nayi calling din abokina faruq wanda na hadu
dashi a social network wato facebook kenan
cikin kankanin lokaci faruq yazo gareni cikin
girmamawa ya saukeni a gidansu a wannan
ranar ne na sanar da faruq duk abun daya
faru dani hade da makasudin barowata gida.
Daga karshe kuma sai nace “faruq bana
muradin komawa gida har sai lokacin da
ummey tai aure shiru naga yayi na dan wani
lokaci zuwacan ya kalleni cikin tausayawa
yace ” tabbas kayi matukar burgeni tunda har
ka zabi farantawa mahaifiyarka fiye da son
zuciyarka dan haka zakaci gaba da zama dani
har zuwa lokacin da wannan burin naka zai
cika. Duk da cewar na nisanta da ummey
amma hakan baisa mun fasa yin waya da
junaba domin kullunne sai ummey tayi calling
dina hade da aikomin da sakon text message.
Nanfa na rasa hanyar da zanbi dan ganin
hakan ta daina faruwa kwanana biyar da zuwa
kebbi sai wata mota (kano line) tai accident/
hadari a yayin da take gaf da fita daga cikin
garin kebbi zuwa jahar kano abun takaici duk
jama’ar ciki basu rayu ba domin kuwa
konewa tai gaba daya babu wanda zaka iya
shaida fuskarshi. Sai nayi amfani da wannan
damar dan ganin na batar da rayuwata a idon
ummey ta wani bangaran kuma ina tunanin
irin hawayan da iyayena zasu zubar a yayin
da sakon mutuwata ya isa kunnansu amma
naji hausawa suna cewar da ruwan ciki akanja
na rijiya, domin kuwa sai an fuskanci wani
bacin ran sannan ake samun wani farin cikin.
Bayan mun shira komai ni da abokina faruq
saina damka wayata a hannunshi a gaban
idona ya damka wayar a hannun daya daga
cikin jami’an yan sandan dake wannan wajan
hade da cewa “yallabai ina tunanin wannan
wayar daya daga cikin mutanan da wannan
hadarin ya auku dasune. Ta wannan wayarne
sakon barina duniya ya isa kunnuwan iyayena
saboda wannan ita kadaice hanyar da zatasa
ummey ta auri wani ba tare data fahimci
komai ba.

 

=> 7
Duk da cewar abokina faruq yasan da cewar
ina raye kuma tare muyi wannan shirin. Hakan
bai hanashi zuwa sadakar ukkuna jahar kano
ba. A ranar daya dawo jahar kebbine ya
sanar dani maganar data kidimani. Zama yai a
kusa dani ya kalleni yace “abokina abunda
mu aikata sam bai dace ba domin saura kiris
na bayyana gaskiyar abun daya faru. Amanar
da take tsakanina da kaice tasa na kasa
aikata hakan bayadda na iya haka na baro
jahar kano hankalina a tashe sakamakon
mawuyacin halin dana tsunci ummey a ciki.
Hawaye nagani a idonshi a yayin daya dago
kanshi ya kalleni. Budar bakinshi sai yace ”
tabbas ummey tana matsanancin sonka
saboda tun daga lokacin da sakon mutuwarka
ya isa kunnanta ta yanke jiki ta fadi sai da ta
dauki dogon lokaci kafin ta farfado daga
dogon suman da tayi kuma ba’anan al’amarin
ya tsaya ba domin har yanzu bata iya furta
kalmar komai haka take zaune ba umm ba a’a
dan haka shawarar da zan baka a matayina
na abokinka itace “kawai ka komaga ummey
domin hakanne zai kawo sassauci ga
rayuwarta. Cikin yanayin damuwa na kalli
faruq nace ” tabbas nasan ko kadan ban
kyautaba amma inason kasan da cewar babu
yadda za’ai naso ganin bacin ran mahaifiyata
kuma a dalilina duk da cewar taki sanar dani
dalilinta na rabani da ummey hakan bazai
taba sawa na kasa cika mata burin taba kuma
inason kasan da cewar duk inda tsanani yake
to ka tabbata sassauci yana nan zuwa dan
haka ummey zata samu sauki domin Allah
maji rokon bayinsane kimanin shekarata daya
da wata takwas a jahar kebbi tare da abokina
faruq ba tare da ahalina sunsan da cewar ina
raye ba amma saidai har kawo wannan
lokacin ummey batayi aure ba domin bata
kula kowa kwatsam wata rana abokina faruq
yazomin da wani sabon labari wanda yai
matukar sani farinciki. A yayin dana sake
turashi jahar kano domin ya jiyomin ko kuma
ince ya ganomin abun da yake faruwa a
tattare da ahalina da kuma abar kaunata wato
ummey sai yazomin da labarin ansama
ummey rana tare da yayata zainab wanda
za’ayi bikin nasu 04/07/2017 tabbas ba kadan
naji dadin wannan albishirin ba. sai dai kuma
na tabbata ummey zatayi auranne ba’a son
ranta ba jahar kebbi sai da ta kasance tamkar
mahaifata domin babu abundana rasa a
tattare da abokina faruq hakane yasa faruq
yai matukar damuwa a yayin da nake shirin
komawa gida sati biyu da bikin anti zainab
hade da ummey na nufi jahar kano saidai
kuma na tabbata saisun shiga rudani a yayin
da suyi ido biyu dani kuma dolene su nemi jin
yadda ai har hakan ta faru dani tun a mota
nake nazarin hanyar da zanbi amma ina gaba
daya sai kaina ya kulle.
=> 8
harna shiga cikin garin kano zuciyata bata
daina sake-saken amsar da zanba iyayena ba
musamman idan su nemi sanin yadda ai haka
ta faru dani tare mu sauka mota da wata
baiwar Allah harna juya zan tafi. Sai naji tace
“dan Allah malan dan tsaya mana. Koda ta
karaso gareni sai tace “dan Allah malan ni
bakuwace a wannan garin kuma gashi dare
yayi shine nakeson ka taimakamin da aron
wayarka domin na kira wadda nazo wajan
nata saboda wayar tawa tun a mota cajinta ya
kare. Cikin yanayin tausayawa na miki mata
wayar. Haka taita trying din numbar amma
bata samu shigaba ganin hakane yasa duk
tabi ta kidime. Wani kallon maraici naga
taimin sannan ta miko min wayar. Cikin
yanayin sakin fuska nace ” hakika na fahimci
damuwar da kike tattare da ita amma idan
bazaki damuba mezai hana na kaiki gidanmu
ki kwana kinga idan gari ya waye saiki kirata.
Cikin sanyin murya tace “to shikenan nagode.
Tun kafin mu karasa gidan sai na nemi sanin
sunanta hade da garin data fito. Cewa tai
sunanta AISHA kuma ita yar asalin jahar
tarabace. Batun dalilin zuwanta jahar kano
kuma labarine mai matukar tsayi hade da ban
tausayi amma a halin yanzu ba abunda nake
bukata face abincin da zan ba cikina saboda
ina matukar jin yunwa dan haka idan Allah
yasa mun wayi gari lafiya to zan baka labarina
gaba daya domin bazan ragema ko daya ba.
Sai nai murmushi sannan muci gaba da tafiya.
Gaba daya harna manta da kalubalan dake
gabana na tunanin yadda iyayena zasuyi
mamakin ganina a raye. Na tura kofa kenan
saina tuna jinai kirjina yai wata irin bugawa
amma ko kadan ban bari aisha ta fahimci
komai a tattare dani ba da shigarmu koda
mahaifiyata tai ido biyu dani a yayin da nai
sallama sai ji nai ta zafga salati sannan ta
mike a tsorace. Cikin yanayin rudani tace ”
waye wannan Allah yasa dai ba mafarki
nakeyi ba. Saboda jin dadin ganin mahaifiyata
da nai a wannan lokacin nan take naji hawaye
ya zubomin. Budar bakina sai nace “umma
tabbas dankine ya dawo gareki domin ba
mutuwa nai ba kamar yadda kuke tunani. bani
da wani burin daya wuce na faranta miki rai
hakane dalilin da yasa nabar gida domin cika
miki burin ki. Cikin yanayin mamaki tace
“wane irin burine kakeson cikamin wanda har
zaisa kabar gida kasan irin kunar da muji a
yayin damu samu labarin cewar kabar duniya?
Haka muita zubar da hawayanmu akanka
bamu saniba ashe ba sonmu kakeyiba kawai
zubar hawayanmu kake son gani. Nan take na
durkusa har kasa inamai kukan bakinciki haka
na dago kaina na kalli mahaifiyata nace ” dan
Allah umma ki yafemin nasan na aikata
kuskure kawai na aikata hakanne domin cika
miki burinki ta buda baki zatai magana sai
nace “a’a umma nasan maganar da zakimin
bazata wuce neman sanin burin da nakeson
cika miki ba saboda nasan kin manta da
alfarmar daki nema a gareni ta batun rabuwa
da ummey wadda nake matukar sonta a
zuciyata to amma sai dai son da nake miki ya
zarce nata. Koda mahaifiyata taji wannan
batun nan take ta rike baki cikin yanayin kuka
tace ” tabbas na cuceka kuma bana tunanin
Allah zai yafemin a kan wannan abun daya
faru. Nan take na mike tsaye nace “haba
umma kefa mahaifiyatace wadda take da ikon
sani duk wani abun da taga dama muddun
bai sabawa addinin musulunci ba. Kuma ina
da tabbacin surrin da kike boyemin bai
sabawa addinin musulunci ba dan haka umma
zanso ki manta da wannan al’amarin, tunda
Allah yasa ummey tayi aure bani da wani farin
cikin daya wuce haka. Sai mahaifiyata ta
shafa kaina tace ” Allah yaima albarka. Koda
na kalli aisha sai nace “au dan Allah aisha kiyi
hakuri alhinin da muke cikine yasa na shafa’a
dake. Murmushi naga tayi sannan tace “kar
kaji komai domin nima nayi matukar tausaya
muku. Bayan an bata dakin da zata kwanta
sai na dauki abinci na kai mata har dakin da
kaina bayan na fito sai nace ” umma wai ina
abba ya shigane naga tun da nazo ban ganshi
ba sai tace “aikon abbanka yana jahar katsina
yau kwananshi biyu a can amma gobe nakesa
ran dawowarshi haka na zauna kusa da
ummata ina cin abinci sai tace ” yaune zan
bayyanama sirrin dana dade ina boyewa a
zuciyata badan komai ba sai dan ina da
yakinin bazaka sanarma kowa ba saboda na
yadda da kai kuma bani da kowa yanzu a
gabana wanda ya wuce kai tunda yayarka
zainab ta riga da tayi aure. Haka na gyara
zama dan jin sirrin da mahaifiyata ta dade
tana boyewa a zuciyarta. Ma haifiyata tace
“sanin kankane mahaifin ummey abokin
mahaifin kane ita kuma mahaifiyarta
kawatace. Hakane yasa mu kasance tamkar
yan uwan juna sai dai kuma tun daga lokacin
da Allah yasa suyi aure har kawo yanzu basu
taba hai huwa ba. Cikin yanayin mamaki nace
” to amma umma ita kuma ummey fa? Sai
tace “ummey yarsuce amma ba wadda su
haifa da cikinsu ba. Kwatsam wata rana sai
Allah yaba mahaifiyar ummey ciki a dai-dai
lokacin da nima nake dauke da juna biyu
tsakar dare musalin karfe 2 lokacin kowa yai
bacci sai haihuwa tazomin haihuwata kenan
sai abokin mahaifinka yazo mana da batun
hajiya ameena ta haihu amma dan baizo da
raiba ganin damuwar da suke cikine na rashin
samun haihuwa yasa mu dauki daya daga
cikin yayan damu haifa mu sadauka musu
domin yaya biyu na haifa a wannan lokacin ko
cikakken wata daya da faruwar hakan ba aiba
sai Allah ya dauke ran hafsat. Cikin yanayin
mamaki nace ” umma kina nufin yaya biyu ki
haifa a wannan lokacin kuma hafsat itace
abokiyar haihuwar ummey sai ta jinjina kai
tace kwarai kuwa. Sannan tace “wannan shine
dalilin da yasa na shiga tsakaninka da ummey
domin ita kanwarkace ta jini kuma tabbas kayi
matukar dubara gami da hangen nesa da har
ka nisancemu na tsawon shekara biyu da
wasu watanni dan haka zan kasance mai yima
addu’ar samun nasarar duniya da lahira. A
wannan ranar haka na kwana cikin farin ciki
hade da kwanciyar hankali bayan gari ya
waye sai nai alwallah na nufi masallaci tabbas
al’amarin yai matukar dauremin kai ganin
yadda al’umma suke darewa ayayin da suyi
ido biyu dani tsamo-tsamo a masallaci ganin
hakane yasa na tuna da batun mutuwata. Nan
take na mike tsaya nace “ko kadan banzo
masallacinnan domin na tsoratar daku ba
amma nasan dolene ku shiga rudani
sakamakon ganina da kuyi a raye. Tabbas
hadarin motane ya auku damu a yayin da
nake kan hanyata ta dawowa gida kano daga
jahar kebbi Allah cikin ikonsa motar tanayin
karo sai kofar da nake bangaranta ta bude
can na fada cikin wasu ita tuwa wanda hakan
yai sanadin buguwar kaina tun kafin mutane
su karaso garemu tuni nayi nisa haka naita
tafiya ciki daji banma san inda nake dosa ba
domin tuni hankalina ya gushe ban da wayata
ai amfani wajan sanar da iyayena abun daya
faru damu domin a wurin dana fado na barta
haka na kwashe tsawon shekara biyu ba’a
hayyacina ba. A yayin da hankalina ya dawo
gareni ba abun dana fara tunawa dashi face
iyayena. Wannan shine abun daya faru dani
dan haka kar kuji tsorona domin nima dan
adam ne tankarku. Haka su jajantamin cikin
yanayin tausayawa. Bayan na koma gida nine
har wajan karfe 9 banga fitowar aisha ba
hakane yasa na shiga dakin domin dubawa
ganin halin da aisha take cikine yai matukar
kidimani wanda hakan yasa kafafuwana su
kasa daukata in takaice muku dai bansan
lokacin dana zauna kasa ba ina mai zafga
salati domin ban samu aisha a raye ba.
=> 9
Hakika a lokacin da nayi ido biyu da gawar
aisha ba kadan na shiga rudaniba. Koda
jami’an tsaro su gane cewar bamu da hannu
wajan mutuwar aisha sai su sallamemu ba
tare da an wahalar damu ba. sakamakon
rashin sanin iyayanta da kuma dangintane
yasa ayi jana’idarta a gidanmu dawowarmu
daga makabarta kenan sai nai kacibus da
ummey a kofar gidanmu. Duk da cewar
ummey tayi aure haka ta tunkaroni fuskarta
cike da mamaki da zuwanta ta rike hannuna
sannan ta fashe da kuka tace “yayana wallahi
ji nake kamar mafarki nakeyi. Dan Allah
dagaske kai dinne kuma taya ai har hakan ta
faru? Cikin yanayin tausayawa nace “ummey
zan sanar dake komai domin bazan taba
barinki a cikin rudani ba amma ki tabbata zaki
daukarmin alkawarin bazaki taba nunawa
kowa kinsan wannan sirrin ba domin ko
iyayankima bana bukatar susan kinji wannan
sirrin balle wasu daban. amatsayinta na
kanwata ta jini haka nasa hannuna na share
hawayan dake fuskarta sannan nace ” amma
wannan sirrin bazai yuwu na sanar dake a
yanzuba saboda gudun sa’idon al’umma, dan
haka ki bari sai Allah ya kaimu zuwa gobe.
Cikin yanayin mamaki ummey ta dago kanta
ta kalleni. Tace “wane sa’ido kuma kake gudu
karfa ka manta ni takace har abada. Budar
bakina sai nace “ummey koda ace bakiyi
aureba to babu yadda za’ai ki taba
kasancewa matata. Nan take naga wani sabon
hawaye ya faso daga idanun ummey cikin
yanayin kuka tace ” idan auran da nayine
zaisa kayi tunanin kin kasancewata a matsayin
mallakinka to kasa a ranka wannan auran
nawa tamkar na yanke igiyarshine. Sannan ta
juya ta tafi tana kuka duk al’ummar dake
wannan wurin gaba daya sai idonsu yayo
kanmu. haka na shiga gida cikin ta’ajibi.
Kwatsam cikin dare musalin 10:30pm na dare
ina kwance a dakina lokacin bamu kaiga rufe
gidaba sai jinai an tasheni daga bacci juyowar
da zanyi sai nayi ido biyu da ummey zaune a
kusa dani nabuda baki zanyi magana sai naga
ta mikomin wata farar takadda koda naga
takaddar saki daya dauke da sunan ummey.
Cikin yanayin takaici hade da nuna bacin rai
nai mata wani kallo nace haba ummey taya ai
haka tafaru? Budar bakinta sai tace “akanka
ba abunda bazan iya aikatawaba, tace “kawai
durkusawa nayi har kasa idanuwana suna
zubar da hawaye na rike kafarshi nace ” dan
Allah dan Annabi idan yanayiwa iyayanshi
kuma yana kaunar zaman lafiya to ya
gaggauta bani takaddar saki. Budar bakinshi
sai yace “amma ummey wane laifi namiki da
har kike neman takaddar saki daga gareni?
Sai nace “baka aikatamin laifin komaiba
amma zanso kasan da cewar tunda wanda
nake kauna ya dawo to bazan taba samun
kwanciyar hankaliba muddun bai zama
mallakina ba dan haka ina mai rokonka daka
bani takaddar da zata zamto shaidar rabuwata
da kai saboda hakan shine zaifi kasancewa
zaman lafiya a tattare da kai. Sai yayi
murmushi sannan yace “tun daga lokacin
daya samu labarin dawowarka yaji a jikinshi
hakan zata iya faruwa dan haka shi maison
zaman lafiyane kuma maison ganin farin ciki a
tattare dani. Wannanne dalilin dayasa ya
rubuta takaddar saki a gareni. Bayan ta gama
yimin wannan jawabin, raina a bace nace
“amma ummey kin aikata kuskure. Domin ke
kanwatace ta jini wadda mahaifiyata ta
haifeku a matsayin yan biyu da cikinta. nan
take na fara bata labarin duk yadda ai hakan
ta faru tun daga lokacin da mahaifiyata ta
haifesu har zuwa lokacin danabar gida domin
cikawa mahaifiyata burinta. Amma duk da
hakan baisa ummey tayi na’am da
bayaninaba. Nan take ta mike tsaye tace
“karka fake da wannan hanyar dan guduna
saboda idan har ka gujeni a wannan lokacin to
zuciyata bazata taba yafemaba sannan tayi
waje tana kuka ganin hakane yasa nabi
bayanta domin gudun kar iyayanta susan abun
daya faru fitowata kenan daga daki sai nayi
arba da AISHA zaune a falo cikin yanayin
furgici nace “aisha!!!!!! Wanda hakan yasa
ummey ta juyo fuskarta da sauri sannan taja
burki ta tsaya. A tsorace na karasa kusa da
aisha! cikin yanayin rudani nace “aisha a iya
sanina da kuma tunanin mutuwa ba karya
bace amma hakan yana neman jefa zuciyata a
rudani. Murmushi naga tayi! Sannan tace
“waya fadama cewar na mutu? Alhalin kai ka
rakani har tashar motoci nahau mota zuwa
jahar jigawa. Sai nayi shiru na dan wani
lokaci sannan na dago kai na kalleta nace
“tabbas naga haka amma a mafarki. murmushi
naga tayi sannan ta jinjina kai ta kalleni tace
“ba mafarki kaiba domin azahiri hakan ya
faru.
=> 10
Fitowar mahaifiyata daga daki kenan. Cikin
yanayin firgici nace “umma kinga aisha wai ba
mutuwa tai ba. Cikin yanayin mamaki
mahaifiyata ta kalleni tace “to kai a ina
kasamu labarin ta mutu? ina kai ka rakata har
tashar mota domin ta hau mota zuwa jigawa.
Nan take na kalli ummey nace “ummey anya
acikin hankalina nake kuwa? Tabbas idan har
maganar da aisha tayi gaskiyace to babu
shakka kwakwalwata ta samu tabuwa. Budar
bakin ummey sai tace “ita kuma wannan
aishar wacece kuma meye alakarka da ita?
Nan take na shiga bata labari. nace “motace
ta hadani da ita tun daga jahar kebbi bamu
mu sauka motaba sai musalin12 na dare
hakane yasa ta nemi taimakon aron wayata
domin takira wadda tazo wajan nata amma
sai wayar taki shiga koda naga tayi matukar
shiga cikin damuwa saina nemi tabini zuwa
gidanmu idan Allah yasa gari ya waye sai taji
dadin kiran nata. Haka mu jero tare zuwa gida
tun a hanya na nemi sanin sunanta hade da
jin dalilin zuwanta jaharmu ta kano. Cewa tai
aisha ne sunanta batun dalilin zuwanta kano
kuma labarine mai tsayi hade da ban tausayi
dan haka nayi hakuri zuwa safiya sabida tana
matukar jin yunwa hade da bacci. Da isarmu
gida cikin yanayin farin ciki nagaisa da
mahaifiyata sannan na kaiwa aisha abinci
domin nasan tana matukar bukatarshi a
wannan lokacin. kwatsam musalun karfe 8 na
safe ina shiga dakin da’aba aisha a matsayin
masauki sai nai arba da gawarta ga kuma
abincin dana kawo mata koci bataiba hakane
yasa jami’an yansanda su gudanar da bincike
akaina hade da iyayena mahaifiyatace ta
matso kusa dani sannan ta dafa kafadata tace
” to indai hakane babu shakka akwai matsala
a tattare da kai domin duk wannan batun da
kayi ba wanda ya faru kawai ni dai abun dana
sani shine kazo da aisha gidannan washe gari
da safe kuma ka rakata ta hau mota zuwa
jahar jigawa. Budar bakina sai nace “to amma
umma meya makasudin dawowarta gidannan?
Sai ummata tace ” ai dama ta sanar dakai
cewar kwana daya zatayi sannan ta dawo
gareka saboda ka daukar mata alkawarin zaka
aureta sakamakon tausaya mata din da kayi a
dalilin jin labarin data baka haka na samu
waje na zauna jikina a sanyaye haka na kalli
aisha da ummey hade da mahaifiyata sannan
nace “tabbas ina cikin rudani domin bansan
wani labarin da aisha ta bani ba har da zaisa
na dauki alkawarin aure a tsakanina da ita
sannan na kara da cewa dan Allah ku taimaka
ku fitar dani daga wannan matsanancin
rudanin. sai aisha tace ” ikon Allah! Yanzu
kana nufin harka manta da duk labarin dana
baka? Cikin yanayin kidimewa nace “aisha
nifa bansan wani labarin daki baniba. Sannan
na kalli mahaifiyata nace “umma kenan batun
da kimin na batun ummey kanwatace ta jini
shima baki da masaniya akanshi kenan sai tai
shiru na dan wanilokaci sannan ta dago kanta
ta kalleni fuskarta cike da mamaki.
=> 11
Sai tayi shiru na dan wani lokaci sannan ta
dago kai ta kalleni fuskarta cike da mamaki
tace “tabbas ni banyi wannan maganar da
kaiba.
Amma a ina kasamu wannan labarin?
Koda naji wannan batun daga bakin
mahaifiyata nan take naji kaina yayi wata irin
bugawa sakamakon ganin yadda nake neman
komawa zararre alhalin kuma ni nasan a
hayyacina nake.
Jin hakane yasa ummey tayi tunanin so nake
na juya mata baya ta hanyar kame-kamen
hanyoyin da zasu kawo rabuwata da ita
wanda hakan yasa tayi waje tana kuka.
Jim kadan da fitar ummey sai Allah yai
dawowar mahaifina daga tafiyar da yayi.
Kamar dai yadda mahaifiyata tayi mamakin
sake ganina a raye haka shima wannan
mamakin hade da rudani ya bayyana a
fuskarshi.
Rudanin da nake cikine ya hanani bayyana
farin cikin sake haduwa da abbana, domin ba
abun daya fara fitowa bakina illah neman
sanin alakar dake tsakanina da ummey.
Budar bakina sai nace “abba wace alakace a
tsakanina da ummey?
Mahaifiyata naga ya kalla sannan ya kalleni
hade da cewa “wace ummey?
Matsawa nayi kusa dashi nace “abba a halin
yanzu ina cikin rudanin da bawanda zai iya
cireni a kaf fadin duniyarnan bayan kai da
kuma mahaifiyata.
Dan haka yanayin kallan da naga kayiwa
mahaifiyata ya tabbatarmin da cewar akwai
wani abun da kuke boyemin.
Nan take na durkusa har kasa ina mai zubar
da hawaye nace “umma sanin kankine ni mai
son ganin farin ciki a tattare dakune.
Wanda hakan yasa nabar gida na tsawon
shekara biyu da wasu watanni badan komaiba
sai dan ganin na cika umarnin daki bani ba
tare da nayi kuskure ba.
Ji nayi abbana yace “bakai kankaba nima
kaina a cikin rudani nake domin gaba daya
ban fashimci inda wannan maganar taka ta
dosa ba.
Na buda baki zanyi magana sai mahaifiyata ta
dakatar dani ta hanyar cewa “a’a nice wadda
zanyimai bayanin komai dangane da wannan
al’amarin.
Dakin mahaifina mu shiga gani ga mahaifiyata
hade da abbana.
Mahaifiyata ta kalli abbana tace “soyayyace ta
shiga tsakanin wannan yaron da ummey.
Gudun kar soyayyar tasu tayi nisane yasa na
bukaci ya janye kanshi daga batun kula
ummey da sunan soyayya, amma banason
hakan yai sular daina shigowarta gidan nan
domin ganin yadda take gudanar da
al’amuranta a gidannan ba kadan nakejin dadi
ba.
Ganin yadda na nemi shiga tsakaninsune yasa
ya bukaci na sanar dashi dalilin da zaisa na
rabasu.
Alkawarin dana dauka akan cewar ba wanda
zaiji wannan surrin ne yasa naki sanar dashi
batun komai.
Bukatar cika umarnin dana bashine yasa ya
kirkiri tafiyar da zai dauki dogon lokaci ba tare
daya sake waiwayar inda muke ba, wanda a
karshe sakon mutuwarshi ya iso garemu
alhalin kuma ba mutuwa yai ba ya aikata
hakane duk dan ya cire son da ummey
takemai a zuciyarta.
Bai kuma tashi dawowa ba har sai da ummey
tayi aure.
Koda mahaifina yaji wannan bayanin sai naga
ya jinjina kai hade da cewa tabbas wannan
al’amarine mai rikitarwa.
Kuma wannan hanyar dakabi dan ganin ka
cika mana burinmu itace tafi dacewa dan
haka ba wani abun da zamuce a gare face
fatan alkairi.
Sannan kuma inamai baka hakurin rashin
sanin wannan surrin da yake zukatanmu
domin alkawari mu dauka akan cewar bazamu
sanar da kowa ba.
Cikin hanzari mahaifiyata tace “to ai ya riga
yasan komai kuma babban abun daya
dauremin kai shine yadda ai har yasan da
cewa ummey kanwarshice ta jini.
Zumbur na mike tsaye fuskata cike da mamaki
nace “umma ashe dai gaskiyane ummey
kanwatace ta jini kenan?
Nan take ta jinjina kai hade da cewa “kwarai
kuwa ummey kanwarkace ta jini domin ba
yadda za’ai aure ya shiga tsakaninka da ita.
Sannan ta kara da cewa to amma taya ai har
kasan da cewa ummey kanwarkace alhalin ba
wanda yama bayani a cikinmu.
Cikin yanayin mamaki nace “umma kefa ki
fadamin komai jiya lokacin ina cin abinci a
kusa dake.
Domin abun da ki sanar dani shine “ummey
yarkice wadda ki haifeta tare da hafsat a
matsayin yan biyu.
Ganin yadda abokin mahaifina hade da
matarshi su shiga damuwa a dalilin rasuwar
yar dasu haifane yasa ku mallaka UMMEY a
garesu badan kimaiba sai dan duba da
yadda su dauki dogon lokaci ba tare dasun
samu haihuwaba.
Ba’a dauki wasu dogwayen kwanaki ba sai
Allah ya dauke ran hafsat yar uwar ummey
kenan.
Jinjina kai naga mahaifiyata tayi hade da
cewa “tabbas akwai matsala a tattare da kai
domin ko kadan banyima bayanin komai a
tattare da wannan surrin ba.
=> 12
Duk da cewa wannan al’amarine ba dan
karami ba, haka nayi kokarin mantawa da
wannan batun.
Bayan gari ya waye nayi wanka fitowata daga
gida kenan da kudurin yawatawa cikin gari.
Sai Aisha ta biyo bayana.
Koda na hada ido da ita sai tace “ya kuma
zaka tafi ka barni alhalin kuma kayimin
alkawarin bazaka taba nisanta kanka dani ba.
Wani kallo nayi mata hade da cewa nifa
bansan komai dangane da rayuwarki ba, balle
ki kawo batun daukar alkawari a tsakanina
dake.
Nan take naga fuskarta ta canza ta hanyar
bayyana bacin rai.
Har ta juya da kudirin komawa sai na dakatar
da ita ta hanyar cewa “da zaki taimaka ki
bani cikakken labarinki zata iya yiwuwa hakan
ya taimaka wajan rage rudanin da nake ciki.
Hawaye nagani a fuskarta a yayin data juyo
zuwa gareni.
Murmushi nayi hade da cewa haba Aisha
meye kuma na zubar da hawaye akan wannan
kankanuwar maganar.
Budar bakinta sai tace “hakika banyima
halacci ba amma kayi hakuri domin bani da
wata hanyar data dace nabi wadda ta wuce
wannan hanyar.
Cikin yanayin bacin rai nace “Aisha a halin
yanzu bana bukatar sakejin duk wata maganar
da zatayi sular sake afkani a cikin rudani.
Dan haka duk wata maganar da zata fito
bakinki zanso kiyita wara-wara yadda zan
fashimci inda maganar ta dosa.
Hannuna ta rike zuwa wani kebabben wajan
dake kusa damu da’a ware domin bukatar duk
wani mai son hutawa.
Koda mu zauna gani ga ita sai tace “tabbas
nice sular haifar da duk wani rudanin daka
tsunci kanka a ciki.
Kuma ba komaine ya haifar da hakan ba illah
kaunarka din da take zuciyata.
Azahirin gaskiya inasonka kamar yadda na aje
kaunarka a zuciyata.
Amma dan Allah zanso kafin na sanar dakai
koni wacece kasanar dani, shin kaima kanajin
sona a zuciyarka koda kankanine?
Kallanta nayi hade da cewa “ai shi so a zuci
yake samun masauki, kuma zanso ki gane
wani abu dangane da batun SO.
Duk girman abu hade da kasaitarsa ko
kyawunsa ba yadda za’ai ya samu masauki a
sansanin zuciyar koma waye muddun zuciyar
batayi na’am dashi ba.
Wani abun mamaki kuma sai kiga dan abu
kankani ya haifar da soyayya ga zuciyar wasu.
Tabbas kina da kyawun daya zarce na ummey
domin ke kyakkyawace amma hakan bazai
taba sawa na daukeki a matsayin wadda tafi
ummey ba.
Koda naga ta dan bata rai sai nace “haba
Aisha hakan bawai yana nufin cewar bana
sonki bane domin tun tuni zuciyata ta alkinta
sonki a cikinta.
Kuma hakan ya samo asaline sakamakon
tausayawar da tagani a tattare dake a yayin
da idanuwana suga zubar hawayen idanunki.
Gyara zama tayi sannan ta kalleni tace “dan
Allah kar kaji tsorona domin ba yadda za’ai na
cutar da rayuwarka.
Kallanta nayi hade da cewa “ki fadi duk abun
dake ranki kanki tsaye.
Ban tashi auneba sai jin saukar mari nayi a
fuskata.
Juyo fuskar da zanyi sai nayi ido biyu da
ummey tsaye a gabana.
Cikin yanayin fusata ummey tace “kai
azzalimine macuci wanda baisan darajar
kansaba.
Hakika wannan da kake tare da ita tafini
kyawun fuska.
Dan haka bazanga laifinka ba dan kayi watsi
dani ta hanyar maye gurbin soyayyata data
wannan.
Amma ka tabbatar da cewar ba yadda za’ai
na bari ka kulla wata alakar data shafi
soyayya da wata har sai ka kwashe gubar
soyayyar daka shayar dani wadda ta daskare
a zuciyata.
Sannan zaka samu damar kula wata ya mace.
Domin ko iyayena banajin cewar zasu iya
dakatar dani akan abun da zan iya aikatama
saboda gubar daka shayar dani ta dode duk
wasu hanyoyin dasu dace shawara mai
amfani ta isa kunnena.
Jin hakane yasa ran aisha yai matukar baci.
Cikin yanayin bayyana bacin rai aisha tace
“haba ummey wannan ai halayyace irin ta
marasa hankali da tunani ya za’ai da ganinmu
zaune zaki daga hannu ki mareshi.
Bansan lokacin dana dakama aisha tsawaba
hade da cewa karki sake danganta ummey a
sahun marasa hankali domin bazan taba jurar
ganin bacin rantaba.
Tsawar dana daka matane yasa ranta yai
matukar baci.
Nan take naji kaina yana sarawa kamar wanda
yai karo da bango.
Cikin kankanin lokaci naji duk ilahirin jikina ya
dauki zafi.
Ganin hakane yasa nayi gaggawar shiga gida.
Da shigata falo sai kuwa na yanke jiki na fadi.
Saida na dauki tsawon lokaci kafin mahaifiyata
ta ankara dani.
A yayin da mahaifiyata tayi ido biyu dani sai
ta rugo zuwa gareni.
Koda taga alamun suma nayi sai tayi
gaggawar dakko ruwa a fridge ta yayyafamin
har ta fara kuka a yayin da taga naki
motsawa.
Mikewar da zatayi sai taji nayi tari hade da
jan wani dogon numfashi.
Cikin gaggawa a garzaya dani zuwa asibiti.
Tsawon kwana biyu na dauka kwance a gadon
asibiti kafin na iya gane wadan da ke kusa
dani.
Da mahaifiyata na fara hada ido sai kuma
abokina ANAS zaune a kusa dani.
A yayin dana hada ido da ummey sai naji
kirjina yai wata irin bugawa.
Saboda nasan dolene a samu matsala, domin
ko kadan banason ganin ummey a cikin
damuwa ko bacin rai.
Sai dai kuma bani da masaniyar dalilin
faruwar wannan rashin lafiyar tawa.
Na dauka ummey zata nisanta dani amma sai
al’amarin ya sake rikicewa haka sona yaci
gaba da sake sabon toho a zuciyar ummey.
Wanda hakan yasa ummey ta turje akan batun
ba wanda zata zauna dashi a matsayin miji
idan bani ba.
Tun daga lokacin da’a dawo dani daga asibiti
ummey bata da wata sakewar data wuce ta
ganta a tare dani.
Ganin hakane yasa nace da ita “ummey
yaushe zaki koma gidan mijinki?
Budar bakinta sai tace “amma me yasa ka
zabi kamin wannan tambayar sabanin wadda
nayi tunanin fitowarta daga bakinka? domin
ba abun da nakeson ji daga bakinka face
batun aurena dakai.
Fuskata ba alamar wasa nace “amsar
tambayar dana miki nakesonji.
Cikin yanayin damuwa tace “Ba rana balle
wata.
Jinjina kai nayi hade da cewa to bari kiji
tarayyata da ke bazata taba yiwuwa ba balle
ayi batun aure.
Dan haka shawarar da nakeson na baki a
matsayina na dan uwanki itace “ki koma ga
mijinki domin wannan ita kadaice hanyar da
zata bulle dake.
Cikin yanayin alhini tace “meyasa kake son
dangantani da batun ni yar uwarkace
amatsayin hanyar da zata haifar da rabuwa a
tsakaninmu.
Haka ta kalleni tana kuka tace “me yasa zaka
juyamin baya a lokacin da sonka ya makantar
dani ta hanyar daina ganin duk wata hanyar
da zata kawo batun rabuwata da kai?
Ganin halin da ummey take cikine yasa na
yanke shawarar sanar da ita gaskiyar abun da
iyayenmu suke boye mana.
Budar bakina sai nace “ummey sanin kankine
tun kafin ki kamu da sona narigaki kamuwa da
hakikanin kaunarki.
Tabbas kafin zuwan wannan lokacin ba kadan
nakejin shaukin sonki ba amma a halin yanzi
idan akwai abun da zai iya kasancewa
danasani ga rayuwata to bazai taba wuce
faruwar soyayya a tsakanina dake ba.
Kallanta nayi nace “ummey kefa kanwatace ta
jini wadda mahaifiyata ta haifeku a matsayin
yan biyu abokiyar haihuwarki itace “hafsat
wadda allah yaima rasuwa.
Tun da nake a rayuwata ban taba tunanin
durkusawa a gaban wata ya mace da sunan
rokon wata alfarma a tattare da itaba. Amma
sai gashi nine na durkusa har kasa a gaban
kanwata domin rokonta.
Koda na durkusa a gaban ummey sai nace
“dan Allah ummey ki taimaka ki rufa mana
asiri ta hanyar janye batun soyayyar dake
tsakanina dake ki kuma yi kokarin rike wannan
surrin a iya zuciyarki ta hanyar kin sanar da
kowa wannan surrin.
Kuma zanso kikasance mai kokarin samawa
zuciyarki hakurin zama da wadanda suke rike
dake a matsayin yarsu ta hanyar cigaba da
daukarsu a matsayin iyayenki wadanda su
durkusa su haifeki.
A karshe kuma ina mai rokonki daki koma ga
ainashin mijinki domin ba aure a tsakanina
dake.
Nan take naga fuskarta ta canza sannan ta
share hawayen dake fuskarta ta fita daga
dakina.
Ban saniba ashe kanta tsaye wajan
mahaifiyarmu ta nufa.
Koda ta samu mahaifiyar tamu sai tace
“umma me yasa ke da abba ku zabi kuyi
watsi da kyautar da Allah ya baku ta hanyar
damkata ga wasu.
Umma bansan irin azaftar dake din da nayi
alokacin da ina cikinki ba wanda har hakan
zaisa kiyi sadaka dani ga wadanda ko
dangantakar jini bamu hada dasu ba.
Gashi a dalilin faruwar hakan zuciyata tana
neman cutuwa.
Abu na farko nayi rashin ingantacciyar
tarbiyyar data dace na samu daga gareku.
Abu na biyu a dalilin rashin sanin wannan
sirrin daku dade kuna boyewa har zuciyata ta
kamu da son kasancewa da yayana wanda
nake jini daya dashi a matsayin matarshi.
Nan take ummey ta durkusa har kasa cikin
yanayin kuka tace “dan Allah umma ku
taimaka ku dawo dani gida.
Ina zaune a dakina cikin yanayin damuwa sai
naji karar bude kofa.
Dago kan da zanyi sai nayi ido biyu da
AISHA.
Budar bakin Aisha sai tace “yanzu kana
tunanin abun daka aikata kayi dai-dai kenan?
Dago kan da zanyi sai nace “waike wacece?
Kuma meye alakata dake da har kike yima
rayuwata shish-shigi akan abun da bai shafeki
ba?
Murmushi tayi hade da cewa “zaka iya
tunawa da KADANGARAN da abokinka yai
kokarin kashewa yau tsawon shekara 14 kenan
da faruwar hakan.
Cikin yanayin rudani mai tattare da mamaki
nace “wannan kadangaran shine ya addabi
rayuwata na tsawon wadannan shekarun daki
ambata.
Hakane yasa bana bukatar jin labarin daya
shafi kadan-gare balle ganinshi ido da ido.
Al’amarin ya samo asaline tun ina dan
kimanin shekara 8 lokacin muna zuwa
makarantar primary.
=> 13
Cikin yanayin rudani mai tattare da mamaki
nace “wannan kadangaran shine ya addabi
rayuwata na tsawon wadannan shekarun daki
ambata.
Hakane yasa bana bukatar jin labarin daya
shafi kadan-gare balle ganinshi ido da ido.
Al’amarin ya samo asaline tun ina dan
kimanin shekara 8 lokacin muna zuwa
makarantar primary.
Aduk lokacin damu halarci makaranta bani da
wani sukunin daya wuce maida hankalin rike
koda abu biyune daga cikin abunda
malamanmu su koyar damu domin hakane
yake bani kwarin guiwar samun kyaututtuka
daga mahaifina hade da mahaifiyata.
Saboda ako wace ranar dana halarci school
mahaifiyatace take fara tambayata abun da’a
koyar damu idan mahaifina ya dawo shima sai
ya dora da nashi tambayoyin.
Mahaifina hade da mahaifiyata suna matukar
alfahari dani ganin yadda nake kokarin zuwa
makaranta.
Sai dai kuma a zaman takewar rayuwa dolene
kaci karo da mutane biyu na banza dana kirki.
Abokan banzane suyi sular canza halayyata
izuwa halayyar da suke ciki.
Tun Ina dari-dari dasu har na kaiga sakin
jikina a cikinsu.
Da zaran mun halarci school bama daukar
awa daya ba tare damun arce bayan gari
yawon banza ba.
Tafiya mukeyi ba yar karamaba dan zuwa
kwarin daya daga cikin abokanmu domin shan
kayan itatuwa.
Kafin mahaifina ya ankara tuni wannan yawon
banzan yayi karfi a zuciyata ta yadda sai
ankai ruwa rana kafin a dakatar dani.
Tabbas ni nasan da cewa mahaifina yana
matukar sona amma duk da hakan bai hanashi
yimin shegen duka ba domin bansan adadin
dukan da nasha a dalilin yawace yawacen
banzana ba.
Sai dai kuma akwai wata dabi’ar da nake
tattare da ita wadda hakan yasa nake yawan
samun matsala da abokan nawa.
Wannan dabi’ar tawa ta samo asaline tun
wata ranar Monday kafin halayyata ta samu
nakasu ta hanyar yawace yawacen banza.
Musalin karfe 8 na safiyar Monday na fito
daga gida a gaggauce ko karyawa ban samu
damaryi ba domin gudun kar a dakeni a
makaranta saboda nima kaina nasan a
wannan ranar na makkara.
Har nayi nisa sai kular abincin da nake rike
da ita hannunta ya fita nan take taliyar dake
ciki tayi watsa-watsa.
Tabbas abun mamaki ya bani sakamakon
ganin yadda kadangaru su tasa abincinnan
daci.
Ban bar wajan ba har saida su cinye abincin
tas.
Duk da cewa ayunwace nake haka na nufi
makaranta ba tare da bayyana wata damuwa
ba domin a cikin littattafaina akwai wata naira
hamsin din dana dade da ajewa.
Haka nayi hakuri har a tashemu break sannan
na samu abun da zanci.
Tun daga wannan ranar na kuduri niyar cigaba
da tallafama kadangaru.
Ako wace rana bana taba rasa yan kudaden
kashewa daga abbana ko mahaifiyata wani
lokacin kuna yayata zainab nake tunkara da
bukatar ta bani kudin da zan dan kashe.
Ta wadannan hanyoyin nake samun yan
kudaden da nake sayan taliya domin ciyar da
kadangaru.
Tafiyayya nakeyi zuwa wani kango domin
kaiwa kadangaru abinci badan komai ba sai
dan kar al’umma su samin ido.
Saboda abun yana matukar burgeni a yayin
da naga sun dukufa cin taliyar.
Gaba daya sai wannan al’amarin ya zamemin
kamar wani bangare na rayuwata wanda idan
ban aikatashi ba to ba yadda za’ai naji dadi.
Haka naita gudanar da wannan aikin ba tare
da kowa ya sani ba domin a wannan lokacin
bani da wasu abokai na musamman.
A yayin da halayyata ta samu canjine ta
hanyar samun abokan banza sai wannan
dabi’ar tawa ta fito fili.
Amma ba kowane ya sani ba domin iya
abokainane kadai susan da wannan dabi’ar
tawa.
Koda nakai kimanin 10 years sai na aje
lokacin da zan rika kai masu wannan abuncin
wato taliya kenan.
Musalin karfe 7:30 na safiyar nake zuwa dakin
abokina ANAS domin dafa taliyar da zankai
masu.
Musalin karfe 2 na rana kuma bayan an idar
da sallar Azahar kudi nake cirewa daga
aljihun domin siyan taliyar da zan kai masu.
Da zaran naga yamma tana neman yi haka
zan sake siyan wata taliya na aje masu idan
magariba ta tunkaro sai naje na kai masu.
Abun ba kadan yake bani dariya ba ganin
yadda kadangarunnan suyi kiba kuma ni ba
ma’abocin cin kadangare ba balle na rika
yankawa inaci.
Duk yawon da zanyi da abokaina bana taba
yin sake wajan kai madu abinci akan lokaci.
Idan har nasan zanyi tafiyar da zata haifar da
rashin kai masu abinci akan lokaci to ba
makawa sai naje garesu domin basu hakuri.
Da zaran sunji sallamata sai su rugo zuwa
gareni.
Abun da nake ce masu idan zanyi tafiya shine
“kuyi hakuri domin yau zanyi wata yar tafiyane
kuma ina tunanin hakan zai iya haifar da
rashin kawo maku abinci da wuri.
Haka zasuyita gyada kai hade da buda baki
ba tare da nasan abun da suke fada ba.
Idan kuma a samu akasi wani uzirin ya hanani
kai masu abincin akan lokaci haka zan basu
hakuri hade da sanar dasu dalilin faruwar
hakan.
Ganin yadda wannan al’amarin ya game
jikinane yasa abokaina suke nuna bacin ransu
wanda a karshe suyi yunkurin kashe
kadangarun gaba daya ta hanyar sa masu
guba a taliya.
Amma Allah bai basu ikon cin taliyar ba.
A majalissa da muke zama akasin daya
haifarmin da tsanar kadangare ya samo asali.
Muna cikin zamanmu NUHU ya kira mai
gyada.
A gabanmu ya siyi ta 20 naira ya murjeta a
gaban idonmu da kudurin cinyeta shi kadai.
Ganin hakane yasa na nace akan sai naci
gyadar.
Cikin yanayin wasa muyita kokawa har mu
kaiga fita daga majalissar tamu ta hanyar yin
tafiya mai dan nisa.
Ba yadda ya iya haka ya bukaci na bude
hannuna domin ya samman gyadar.
Wajan zuba min gyadarne a samu akasi wasu
su zuba kasa.
Sai kuwa wani kadangare ya rugo a guje ya
dauki daya daga cikin gyadar data zuba a
kasan.
Nan take naga ran NUHU yai matukar baci
wanda hakan yasa yayi ko karin kashe
wannan kadan garan.
Haka yabi kadangaran a guje domin ganin
bayanshi sai Allah ya taimaka kadangaran ya
afka wani rami to ashe kadangaran baisha ba
domin ramin ba wani mai nisa bane.
A gaban idona nuhu ya zura hannu ya kamo
kadangaran.
Ganin yadda yake neman ganin bayanshi ne
yasa nayi kokarin dakatar dashi amma hakan
bai yuwu ba domin bugashi yai da kasa.
Tabbas ba kadan nayi mamakin ganin yadda
kadangaran ya kunbura ba.
Haka naja abokina mu tafi tun a hanya ya
sanar dani shifa kanshi ciwo yakemai wanda
hakan yasa yayi gaggawar tun karar gida.
Ko cikakken 30 minutes da rabuwarmu ba
aiba sai batun rasuwarshi ya karade gari.
Ba kuma kowane yasan abun daya faru kafin
rasuwar shi ba sai ni da abun ya faru a gaban
idona.
Bayan kwana ukku da rasuwar nuhu wato
abokina kenan sai babban kalubale ya fara
bibiyata.
Cikin dare muslin karfe 2 naji matsin abu a
kirjina wanda ban gane ko menene ba.
Tsoran da najine yasa na kwalla kara ban
kuma san lokacin dana fado daga kan gado
ba.
Cikin yanayin furgici na haska tocila.
Ganin kadan garan da NUHU yayi kokarin
kashewa a dakinane yasa nayi matukar
tsorata.
Wanda hakan yasa nayi kaura daga dakina
zuwa dakin anti zainab.
Da shigata saina tasheta daga bacci hade da
cewa anti wallahi tsoro nakeji.
Haka ta tilastamin akan saina sanar da ita
tsoran da nakeji amma naki domin nasan
muddun nayi gaggawar sanar da ahalina
wannan batun to ba makawa sai an samu
wanda zaiyi kokarin hallaka wannan
kadangaran.
Kuma na tabbata hakan zai iya haifar da sular
hallaka rayuwar wasu daga cikin ahalina hade
dani kaina.
Kuma ni faruwar hakane banaso.
Ganin yadda naki sanar da itane yasa ta
kyaleni mu kwanta tare a gado daya.
Ban saniba ashe akwai sauran rikici a gaba.
=> 14
Ba karamin tashin hankali na shigaba a dalilin
kasancewar wannan kadangaren a tattare
dani.
Bani da wata sakewa domin aduk inda zan
tsunci kaina dolene shima wannan kadadaren
ya kasance a wajan.
Idan ina cikin abokaina ko wasu mutanan da
ban baya kusanto inda nake saiya koma can
gefe.
Wallahi har fargabar zama ni kadai nake
domin har hawa jikina yakeyi.
Aduk lokacin da naji yahau jikina ba karamin
zabura nake a guje ba.
Domin har faduwa nashayi wajan gudu wanda
hakan yake sawa naji ciwuka a hannayena
hade da kafafuwana.
Bana taba yadda na kwana ni kadai domin a
dakin anti zainab nake kwana.
Bacin ran kwanan da nakeyi tare da itane
yasa tayimin mugun duka alhalin kuma ba
laifina bane domin duk laifin wannan ad-
dababben kadangaren ne.
Duk dukan da anti zainab zatamin baya taba
damuna domin ko zubar da hawaye banayi ni
dai kawai na gwammaci ta ganamin duk wata
azabar da taga dama maimakon na kwana
tare da wannan kadangaran a dakina.
Koda ta gaji da ganina a dakinta sai ta
gargadeni dana daina kokuma ta sanar da
abbanmu.
Tun daga wannan ranar saina koma kwana a
dakin abokina ANAS.
Tsawon sati daya na dauka ina kwana a dakin
anas sai mahaifina ya gane cewar bana
kwana a gida.
Duk da irin fadan da abbana yakemin baisa
na daina kwana a dakin anas ba.
Ganin hakane yasa abbana yamin dukan da
bantaba tunanin fuskantar irinshi a fadin
duniyar nan ba.
Gudun karna sake fuskantar irin wannan
dukanne yasa na bukaci abokina ANAS daya
rika zuwa dakina muna kwana tare amma yaki
domin shima cewa yayi abbanshi bazai taba
lamuntar haka ba.
Haka dai wannan kadangaran ya hanani
sakewa.
Hmm!! Lokaci daya kadangaran ya bijiromin
da wani sabon iskanci.
Dazaran na sayi wani abun da niyarci sai
kadangaran ya rugo a guje zuwa gareni tsoran
da nake tattare dashine yake sawa na saki
abun ya fadi kasa nan take kadangaran zai
hau abun daci.
Musalin karfe 3 na rana na tunkari gida da
kudurin cin abinci.
Da shigata dakina sai kuwa nayi ido biyu da
wannan kadangaran a saman marfin abincin
da’a ajemin.
Hakika nima nayi matukar mamakin ganin
yadda kadangare ya addabi rayuwata.
Kuma gashi idan na nemi takurama
rayuwarshi to ba makawa sai na rasa
rayuwata kamar yadda abokina NUHU ya rasa
tashi rayuwar.
Ganin hakane yasa na durkusa har kasa ina
zubar da hawaye domin neman sulhu a
tsakanina da wannan kadangaran.
Cikin yanayin kuka nace “haba bawan Allah
meyasa kake neman takurama rayuwata ta
hanyar bibiyata, alhalin ban aikata laifin komai
a garekaba?
Abokinanefa ya nemi kasheka ganin hakane
yasa na nemi ceton rayuwarka.
Kuma ai ka dauki fansar abun daya aikatama
meye zaisa kaci gaba da bina.
Dan Allah idan har bazaka daina binaba to
kadaina hawa jikina kuma ka daina kokarin
tunkarar inda abincina yake.
Kuma nayima alkawarin duk abun da zanci
zan rabashi biyu daya naka daya nawa.
Haka tunanin wannan kadangaran ya addabi
zuciyata lokaci daya duk nabi na rame ganin
hakane yasa iyayena suyi yunkurin tilastamin
ta hanyar sanar dasu lalurar da take damuna.
Ganin yadda naki yimasu cikakken bayanine
yasa su dangantani da asibiti domin duba
lafiyata.
Abunda likitan daya duba lafiyata ya sanar da
iyayena shine “ba wani abune yake damun
danku ba illah yawaitama zuciyarshi tunani.
Dan haka rage tunanin dake zuciyarshine
kadai zai kawo mai sassauci.
Anti zainabce ta tilastamin har saida nayi
mata cikakken bayanin abun da yake
damuna.
Haka aita nemamin magani domin rabani da
wannan kadangaran amma hakan yaci tura.
Haka wannan kadangaran yaci gaba da
bibiyata na tsawon shekara 14 amma da
taimakon Allah a dalilin maganin da iyayena
su dukufa nemamin sai Allah yasa wannan
kadangaran ya rage bibiyata.
Yana zuwa garenine lokaci-lokaci kuma idan
ya tashi zuwa gareni tofa a duk inda nake
Kwatsam zan ganshi amma baya hawa jikina.
Yau kimanin shekara biyu kenan rabona da
sake ganin wannan kadangaran.
Matsowa kusa dani Aisha tayi fuskarta cike da
murmushi.
Budar bakinta sai tace “bani ya kamata kaba
wannan labarin ba domin nice wannan
kadangaran kuma nice sular afkawarka a cikin
duk wani rudanin daka tsunci kanka a ciki.
Zumbur na mike tsaye a yayin da naji fitar
wannan furucin daga bakin Aisha.
=>15
Tsoran da Aisha ta gani a tattare danine yasa
tayi gaggawar rike hannuna.
Fuskarta ba alamar wasa tace ko kadan ban
nemi shiga rayuwarka domin na cutar dakaiba.
Bukatar rayuwata da taka su zama dayane
yasa nayita bibiyarka.
Ganin yadda ka tausayamin a yayin da
abokinka yai yunkurin cutar danine yasa
ruhina ya aminta da kai wanda hakan yasa
naita bibiyarka a suffar kadangare alhalin
kuma ni aljanace.
A duk lokacin daka kwanta bacci kai kadai ni
kuma sai nazo na kwanta a saman kirjinka
domin ba karamin dadi nakeji ba a yayin da
sautin bugun zuciyarka yake ratsa kunnuwana.
Kwatsam sai naga take-taken soyayya tana
neman shiga tsakaninka da UMMY kafin ka
gane cewar ita kanwarka ta jinice.
Gudun karka takurama kanka wajan bibiyar
ummey da sunan soyayyane yasa nayi kokarin
dakatar dakai ta hanyar yima hannunka mai
sanda ba tare dana fito fili nayima cikakken
bayanin cewar ummey kanwarka ta jini bace.
Bayanin da nayima a lokacin dana kiraka a
wayane ya tunzuraka wanda hakan yasa
kayima ummey bayanin abun dana sanar da
kai na cewar ba aure a tsakaninka da ummey
soyayyar da take zukatankuce tasa baku dauki
maganar tawa da mahimmanci ba.
Mahaifiyarka itace wadda ta fara gane alakar
da take tsakaninka da ummey.
Bukatar ganin farin cikin mahaifiyarkane yasa
ka shirya tafiyar da zaka dauki dogon lokaci
kafin ka dawo ga ahalinka badan komaiba sai
dan ka rusa son da ummey takema a
zuciyarta.
A hanyarka ta dawowa ga ahalinkane nayi
amfani da wannan damar domin kusanta kaina
dakai wanda hakan yasa ka bani masauki a
gidanku.
Tabbas banyima bayanin komai dangane da
rayuwata ba mahaifiyarkace kadai taji
labarina.
Amma ita a tunaninta kaima kana wajan
alokacin da nake bata labarin wanda har
hakan yasa ka daukarmin alkawarin
kasancewa dani na tsawon har abada
sakamakon tausayamin din da kayi batasan
cewar duk shirina bane domin ba kai din
bane.
Batun mutuwatama ba gaskiya bane domin
kai kadaine kaga haka saboda shima duk a
mafarki na nunama faruwar hakan.
Dan haka zan nisanta dakai na tsawon har a
bada bazan sake bibiyarka ba domin na
fahimci akwai tsoro a tattare da kai.
Sai dai kuma akwai sauran kalu bale a
gabanka domin tun daga lokacin daka dawo
gida iyayenka hade da kanwarka ummey ba
wanda yaji furucin komai daga bakinka.
Nan take naji kaina ya daure na kalleta a
sufane nace Aisha ban fahimci abunda kike
nufi ba.
Cikin yanayin tausayawa tace “Dan Allah kayi
hakuri nasan nayi matukar rikitar da kai.
Ba kuma komaine yasa na aikata hakanba sai
dan bukatar mallakarka a matsayin abokin
rayuwata.
Ganin inna aikata hakan banyima adalci bane
yasa na yanke shawarar fadama gaskiya.
Durkusawa tayi har kasa sannan ta dago kai
ta kalleni tace “kayafemin akan karyar da
nayima akan cewar UMMEY kanwarkace
domin ba wata dangantaka a tsakaninka da ita
wadda zata hana ka aureta domin gaba daya
abun daya faru a wannan al’amarin duk
shirinane domin har kawo yanzu ummey
batayi aure ba.
Na aikata hakane domin na maye gurbinta.
Tabbas ummey tana matsanancin sonka
domin bata da wani muhimmin tunanin daya
wuce naka.
Na bude baki zanyi magana bat ta bace.
Ko cikakken munti daya da bacewarta ba ai
ba sai naji karar bude kofa ummey na gani
hannunta rike da abinci a plate.
Da zuwanta sai ta aje abincin a gabana
sannan ta zauna a kusa Dani.
Yanayin kallon da naga tamin ne yasani
murmushi! budar bakina sai nace “ummey
meye alakata dake.
Zumbur ta mike tsaye cikin yanayin farin ciki
ta fara kiran mahaifiyata “umma! umma!. Kizo
yayi magana.
Cikin kan kanin lokaci saiga mahaifiyata ta
shigo hade da anti zainab yayata kenan.
Cikin yanayin mamaki nace “umma wai me
yake faruwane??
Cikin yanayin alhini zainab ta rungumeni tana
jukan farin ciki.
Bayanin da ummey tayiminne ya tabbatarmin
da cewa maganar aljana Aisha gaskiyace
domin ummey cewa tayi tun daga lokacin
dana dawo gida bana iya furta kalmar komai.
Shiru nayi na dan wani lokaci sannan na
jinjina kai hade da cewa ashe dai Aisha da
gaske take.
Budar bakin zainab sai tace “wacece kuma
Aisha?
Fuskata cike da mamaki nace “kina nufin
bakisan Aishar data zauna a gidannan ba
kenan wadda na dawo tare da ita.
Girgiza kai naga mahaifiyata tayi hade da
cewa tabbas ba wata mace mai suna Aishar
data zauna a gidannan koda kuwa na kwana
dayane amma tabbas bakai ka dawo da
kanka ba domin wata baiwar Allah ce ta kawo
mana kai sakamakon ID CARD din data gani a
tattare da kai kuma sunanta ya banbanta da
wanda ka fada a yanzu domin cewa tayi
hafsat shine sunanta kuma ko kwana batayi
ba ta koma.
Kaina a daure nace to amma umma meye
alakata da ummey?
Cikin yanayin mamaki ummey tace “kardai
kace har ka manta da soyayyar da take
tsakanina da kai?
Girgiza kai nayi hade da cewa a’a ban
mantaba amma akwai sarkakiyar dana tsunci
kaina a cikinta.
Banyi kasa a guiwa ba har saida nayi masu
cikakken bayanin abun daya hadani da Aisha
wanda hakan yai matukar kidimasu domin
basu da masaniyar komai dangane da
bayanin da suji daga bakina.
Bayan na gane cewar akwai aure a tsakanina
da ummey sai na nuna kaguwata akan ayi
hanzarin daura aurena da ita domin gudun kar
wata matsalar ta sake biyo baya.
Wani kallo naga anti zainab tamin hade da
cewa “kai kaji yaro da rashin kunya ai komai
gaggawarka dolene kajira sai nayi aure
sannan ayi naku bikin.
Cikin yanayin dariya ummey taja hannuna
muyi waje.
Da fitowarmu sai na kalli ummey nace “wai
dama har kawo yanzu ummey batayi sure ba.
Murmushi naga ummey tayi hade da cewa
kaga ya kamata ka mance da duk wata
bakuwar rayuwar da kayi a baya saboda
wannan itace asalin rayuwarka domin ba wani
auran da anti zainab tayi.
Ummey tayi matukar sabawa dani domin ko
kadan batason na nisanta da ita.
Makarantace da kuma bacci suke rabamu da
zaran an tasosu daga school ba inda take fara
yada zango sai a gidanmu ba kuma zata fito
ba sai tare dani duk da cewa tsakanin
gidanmu da nasu ba wata tazara bace mai
nisa haka zan rakata har cikin gidan nasu.
Bayan anyi aurena da ummey sai zuciyata ta
kasa samun natsuwa sakamakon yawaita
tunanin Aishan da nakeyi saboda har kullun
bana cire tsammanin bazata dawo gareni ba
wanda hakan yasa na kasa gane shin sonta
nake ko kuma tsoranta nakeji.
Alhamdulillah.

About Godswill

Check Also

NI DA MALAMATA Complete Hausa Novel

NI DA MALAMATA Complete Hausa Novel Page 1 . …..Cikin yanga da ƙasaita take saukowa …

3 comments

  1. جمال احمد زعرب

    I want to be worker in Canada

  2. Yes
    Job in Canada

  3. I want to be job in canada

Leave a Reply

Your email address will not be published.